Sandra L. Rivera ye una executiva tecnológica ya inxeniera d'Estaos Xuníos d'orixe colombianu, conocida pola so trayectoria directiva en Intel y Altera. Na primera compañía dirixó, ente otres árees, el grupu de centros de datos ya intelixencia artificial.«Intel Makes Organizational Changes to Strengthen Execution, Innovation in Critical Business Areas», Intel, 22 de xunu de 2021.
Rivera nació y creció en Nueva Jersey nuna familia d'inmigrantes colombianos. Desenvolvió gran parte de la so carrera profesional n'Intel, onde ocupó distintos puestos de responsabilidá nel negociu de telecomunicaciones, redes y centros de datos. En 2017 foi nomada vicepresidenta sénior y direutora xeneral del Network Platforms Group.«Intel Promotes Three Corporate Officers», Intel, 30 de mayu de 2017.
En 2019 convirtióse na vicepresidenta executiva y responsable de recursos humanos d'Intel. Dos años dempués pasó a dirixir el Data Center and AI Group, responsabilizándose de productos como los procesadores Xeon, aceleradores d'intelixencia artificial y dispositivos FPGA, amás de participar na definición de la estratexa xeneral d'intelixencia artificial de la compañía.
En 2024 pasó a ser direutora executiva d'Altera, la división de FPGA d'Intel convertida de nuevu nuna empresa independiente. Exerció'l cargu hasta mayu de 2025, cuando Intel anunció que Raghib Hussain la sustituyiría como direutor executivu nel procesu d'entrada de Silver Lake nel capital d'Altera.«Intel Announces Strategic Investment by Silver Lake in Altera», Intel, 14 d'abril de 2025.
Referencies
Enllaces esternos
Categoría:Empresaries d'Estaos Xuníos Categoría:Inxenieros ya inxenieres d'Estaos Xuníos Categoría:Persones rellacionaes cola intelixencia artificial Categoría:Intel