Xuegu popular ye un xuegu prauticáu tradicionalmente por una comunidá y tresmitíu principalmente por usu social ente xeneraciones. Los xuegos populares suelen formar parte de la cultura popular y pueden tar vinculaos a fiestes, espacios públicos, actividaes escolares o momentos de sociabilidá. La so práutica nun necesita necesariamente una organización deportiva formal y les sos regles pueden presentar variantes llocales.
Dientro d'esta categoría pueden incluyise xuegos d'habilidá, fuercia, velocidá, puntería, estratexa o azar, y dalgunos evolucionaron hasta convertise en deportes tradicionales reglamentaos. Los materiales utilizaos suelen ser simples o proceder del entornu, como piedres, palos, cuerdes, boles o pieces de madera. La UNESCO considera los xuegos y deportes tradicionales un mediu de tresmisión de conocimientos culturales y una ferramienta que puede favorecer la integración y el diálogu ente comunidaes.
La frontera ente xuegu popular, xuegu tradicional y deporte tradicional nun ye siempre precisa, y una mesma práctica puede pertenecer a más d'una categoría dependiendo del contestu. Cuando estes práutiques son reconocíes pola comunidá como parte de la so herencia y se tresmiten nel tiempu pueden formar parte del patrimoniu cultural inmaterial, que la UNESCO define como les práutiques, conocimientos y habilidaes reconocíes poles comunidaes como parte del so patrimoniu.
Referencies
Enllaces esternos
Categoría:Cultura popular Categoría:Patrimoniu cultural inmaterial