Jesús Sanz Montes ye l'actual Arzobispu d'Uviéu y Alministrador Apostólicu de les Diócesis de Uesca y de Chaca. Tamién ye'l Presidente de la Comisión Episcopal Española pa la Vida Consagrada y Comisariu Pontificiu de la Unión Lumen Dei según el nomamientu de 20 de mayu de 2009.
Fizo los estudios de Teoloxía y Filosofía en Toledo, anque primero trabayó nun bancu. En 1981 ingresa nos Franciscanos de la observancia, Provincia de San Gregorio Magnu de Castilla, faciendo la profesión temporal el 11 de setiembre de 1982 n'Arenas de San Pedro (Ávila) y la profesión solemne'l 14 de setiembre de 1985 en Toledo. Foi ordenáu sacerdote en 1986, añu nel que tamién foi nomáu Rector del Seminariu Franciscanu d'Ávila. El 23 d'ochobre de 2003 foi designáu pola Santa Sede como obispu de Uesca y ChacaNomamientu como Obispu de Uesca y de Chaca (Boletín de la Santa Sede, 23 d'ochobre de 2003)., recibiendo la ordenación episcopal el 14 d'avientu d'esi añu.
El Vaticanu fizo públicu'l nomamientu pol papa Benitu XVI del nuevu Arzobispu Metropolitanu d'Uviéu'l 21 de payares de 2009DELL’ARCIVESCOVO METROPOLITA DI OVIEDO (SPAGNA) Nomamientu como Arzobispu Metropolitanu d'Uviéu (Boletín de la Santa Sede, 21 de payares de 2009)..
No tocante a les actividaes académiques, foi profesor d'Espiritualidá medieval, profesor de l'Asociación Hispánica d'Estudios, miembru del Conseyu de Redación –edición española- de "Communio" Revista Católica Internacional; profesor en la Facultá de Teoloxía San Dámaso, de Madrid y profesor nel Pontificiu Atenéu Antonianum, de Roma.
Lema episcopal El so lema episcopal ye Christus Omnia in Omnibus, n'asturianu Cristu ye too en toos, tomáu de la Epistola a los Colosenses capítulu 3 versículu 11 (n'español)
Referencies
Categoría:Arzobispos d'Uviéu Categoría:Persones de la Comunidá de Madrid