Ariane ye una familia europea de llanzadores espaciales desarrollada a partir de la década de 1970 col oxetivu de garantizar un accesu autónomu d'Europa al espaciu. El programa desenvuélvese nel marcu de l'Axencia Espacial Europea (ESA) y los llanzamientos realícense dende'l Centru Espacial de Guyana, cerca de Kourou, na Guyana Francesa.Ariane, Axencia Espacial Europea.
El primer modelu, l'Ariane 1, realizó'l so primer llanzamientu'l 24 d'avientu de 1979. Foi siguíu polos Ariane 2 y Ariane 3, que aumentaron la capacidá de carga, y pol Ariane 4, estrenáu en 1988. Esti últimu convirtióse nun llanzador comercial de gran importancia y realizó más de cien misiones antes de retirase en 2003.Ariane 1, 2, 3, Axencia Espacial Europea.
L'Ariane 5, estrenáu en 1996, introdució un diseñu prácticamente nuevu y una capacidá de carga considerablemente mayor. Realizó 117 vuelos hasta la so retirada en 2023 y utilizóse tanto pa satélites comerciales como pa misiones científiques, ente elles el llanzamientu del Telescopiu espacial James Webb en 2021.Launchers - Ariane, Axencia Espacial Europea.
La generación actual ye l'Ariane 6, que realizó'l so vuelu inaugural el 9 de xunetu de 2024. Dispón de les configuraciones Ariane 62 y Ariane 64, diferenciaes principalmente pol usu de dos o cuatro propulsores auxiliares. La familia Ariane forma, xunto cola familia Vega, la base principal de los llanzadores desarrollaos por Europa.
Modelos Ariane 1 Ariane 2 Ariane 3 Ariane 4 Ariane 5 Ariane 6
Ver tamién Arianespace ArianeGroup Centru Espacial de Guyana Axencia Espacial Europea
Referencies
Enllaces esternos
Categoría:Ariane Categoría:Cohetes espaciales Categoría:Vehículos de llanzamientu