El Cosmódromu de Plesetsk (en rusu, Космодром Плесецк) ye un cosmódromu rusu asitiáu nel óblast d'Arkhánguelsk, nel noroeste de Rusia, a unos 800 km al norte de Moscú. Ye'l principal centru de llanzamientu espacial militar del país y, pola so llatitú elevada, resulta especialmente afayadizu pa colocar satélites n'órbites polares y d'alta inclinación.GOCE launch overview, Axencia Espacial Europea.
Les instalaciones empezaron a construyise a finales de la década de 1950 como base operacional del misil R-7 Semiorka. Na década de 1960 empezó a utilizase pa llanzamientos espaciales, especialmente satélites militares. La so esistencia permaneció oficialmente secreta durante años y foi reconocida públicamente pola Xunión Soviética na década de 1980.
Dende Plesetsk llanzáronse miles de naves espaciales con cohetes como Vostok, Molniya, Kosmos-3M, Tsyklon, Rokot, Soyuz-U, Soyuz 2 y Angara. La ubicación septentrional fai menos eficiente'l llanzamientu hacia órbites ecuatoriales que dende Baikonur, pero favorez les órbites utilizaes por munchos satélites d'observación, navegación y defensa.
Ver tamién Cosmódromu de Baikonur Cosmódromu Vostochny Soyuz 2 (cohete) Angara (cohete)
Referencies
Enllaces esternos
Categoría:Cosmódromos Categoría:Programa espacial de Rusia Categoría:Programa espacial de la Xunión Soviética Categoría:Óblast d'Arkhánguelsk