Una etapa de cohete ye una seición d'un cohete o vehículu llanzador que contién motores, propelente y otros sistemes necesarios pa proporcionar emburrie durante una parte determinada del vuelu. Los cohetes orbitales suelen tar formaos por delles etapes que funcionen de manera secuencial y se desprenden depués d'esgotar el so propelente.
La división en múltiples etapes permite amenorgar progresivamente la masa del vehículu, porque les estructures y depósitos vacíos pueden abandonase durante l'ascensu. Esto aumenta la eficiencia y facilita algamar la velocidá necesaria pa entrar n'órbita o realizar trayectories interplanetaries.
La primera etapa proporciona normalmente la mayor parte del emburrie inicial y funciona durante los primeros minutos del llanzamientu. Les etapes superiores activen los sos motores posteriormente y encárguense d'algamar la órbita prevista, circularizala o realizar maniobres adicionales. Dellos sistemes, como Fregat o Vinci, pueden volver a encendese nel espaciu pa realizar distintes maniobres orbitales.
Les etapes pueden utilizar propelente sólidu o propelentes líquidos como querosenu, hidróxenu líquido, oxíxenu líquido o metanu. Por exemplu, la etapa central del Space Launch System almacena hidróxenu y oxíxenu líquidos y alimenta cuatro motores RS-25.Space Launch System Core Stage, NASA.
Ver tamién Vehículu llanzador Motor cohete Propelente de cohete Fregat
Referencies
Enllaces esternos
Categoría:Cohetes Categoría:Vehículos de llanzamientu Categoría:Propulsión espacial