El slipstream ye una forma de ficción especulativa que trespasa o difumina les fronteres tradicionales ente la ciencia ficción, la fantasía y la ficción lliteraria convencional. Les obres asociaes a esta corriente pueden introducir elementos irreales, fantásticos o surrealistes ensin siguir necesariamente les convenciones narratives d'un xéneru concretu.«Slipstream SF», The Encyclopedia of Science Fiction.
El términu foi popularizáu pol escritor de ciencia ficción Bruce Sterling nel artículu CATSCAN 5: Slipstream, publicáu en 1989 na revista SF Eye. Sterling utilizólu pa referise a una serie d'obres que nun pertenecíen propiamente a la ciencia ficción de xéneru pero compartíen con ella una sensación d'estrañamientu frente a la realidá contemporánea.«CATSCAN 5: Slipstream», testu de Bruce Sterling.
El slipstream carauterízase más pola so relación cola realidá y pola sensación d'estrañeza que por un conxuntu ríxidu de convenciones narratives. Por ello, la so consideración como xéneru independiente ye discutida y tamién se describió como una categoría fronteriza ente la ficción especulativa y la lliteratura xeneral. Autores como Franz Kafka o Jorge Luis Borges fueron consideraos precedentes d'esta forma de ficción, anque escribieron antes de la creación del términu.
Referencies
Enllaces esternos
Categoría:Xéneros lliterarios Categoría:Ficción especulativa Categoría:Subxéneros de ciencia ficción