El LitRPG (del inglés literary role-playing game, 'xuegu de rol lliterariu') ye un xéneru de ficción que combina una narración convencional coles mecániques y estructures de los xuegos de rol, especialmente de los videoxuegos de rol. Les histories presenten de manera explícita elementos como niveles, estadístiques de los personaxes, habilidaes, clases, puntos d'esperiencia, misiones o inventarios, que formen parte del desenvolvimientu narrativu.Martín M. Vizzotti, «De Tolkien al LitRPG: MMORPGS y transmediación», Cuadernos del Centro de Estudios de Diseño y Comunicación.
El xéneru ta estrechamente relacionáu colos MMORPG y otros videoxuegos de rol. Delles histories desarrollen l'acción dientro d'un mundu virtual nel que los protagonistes participen como xugadores, mientres otres ambienten la narración nun mundu real o fantásticu que funciona directamente según un sistema de regles asemeyáu al d'un videoxuegu.
La denominación LitRPG consolidóse especialmente na década de 2010, con un desenvolvimientu destacáu na lliteratura rusa y posteriormente nel mercáu editorial anglófonu. Ente los autores consideraos pioneros del xéneru tán Dmitry Rus, Dem Mikhailov y Vasily Mahanenko.Elena Y. Lisitsyna, «Fantastic Elements in LitRPG Novels», Philology. Theory & Practice, 2023.
El LitRPG espardióse tamién al traviés de la ficción web y l'autopublicación. Ente les series contemporánees del xéneru ta Dungeon Crawler Carl, de Matt Dinniman, que combina mecániques explícites de xuegu de rol con fantasía científica, acción y humor. El LitRPG ta relacionáu cola denominada progression fantasy, pero nun son equivalentes: nesta última'l progresu de poder del protagonista ye central, ensin que necesariamente esistan estadístiques o mecániques formales de videoxuegu.
Referencies
Enllaces esternos
Categoría:Xéneros lliterarios Categoría:Xuegos de rol Categoría:Videoxuegos de rol Categoría:Ficción especulativa