Canva ye una empresa de software australiana y una plataforma de diseñu gráficu y comunicación visual en llinia. El so serviciu permite crear presentación, documentos, cartelos, conteníos pa redes sociales, vídeos, sitios web y otros materiales visuales mediante un editor basáu principalmente nun sistema d'arrastrar y soltar elementos.«Acerca de Canva», Canva.
La compañía foi fundada en Australia por Melanie Perkins, Cliff Obrecht y Cameron Adams. El serviciu Canva foi llanzáu en 2013, cola idea de facilitar el diseñu gráficu a usuarios ensin formación profesional específica. La empresa tien la so sede en Sydney.«Company Info», Canva Press Hub.
La plataforma combina plantíes prediseñaes con ferramientes d'edición de fotografía, tipografía, ilustración, videu y audio. Canva funciona principalmente como una aplicación web, anque dispón tamién d'aplicaciones pa sistemes operativos móviles y d'escritoriu, y ofrece modalidaes gratuites y de suscripción.
La compañía amplió les sos actividaes mediante'l desarrollu de ferramientes de collaboración y la compra de distintes empreses de software y conteníos visuales. El so ecosistema inclúi productos empobinaos a particulares, centros educativos y empreses y foi incorporando funciones basaes en intelixencia artificial xenerativa.«Información clave de la empresa», Canva.
Referencies
Enllaces esternos Web oficial
Categoría:Empreses fundaes en 2013 Categoría:Empreses de software d'Australia Categoría:Empreses de Sydney Categoría:Software de diseñu gráficu Categoría:Aplicaciones web