Hidetaka Miyazaki , ye un diseñador, direutor y guionista de videoxuegos xaponés, presidente y direutor representante de FromSoftware. Ye conocíu principalmente pola dirección de títulos como Demon's Souls, Dark Souls, Bloodborne, Sekiro: Shadows Die Twice y Elden Ring.
Miyazaki incorporóse a FromSoftware en 2004 y trabayó inicialmente na serie Armored Core. En 2006 recibió la responsabilidá d'un proyectu de rol fantásticu que terminó convirtiéndose en Demon's Souls, publicáu en 2009. El posterior Dark Souls, de 2011, consolidó un modelu de diseñu caracterizáu pola dificultad, la exploración, la narración ambiental y un sistema de combate que tuvo una fuerte influencia posterior na industria.'I have always felt the world was a harsh place': Elden Ring's Hidetaka Miyazaki on why he may never stop making games, The Guardian, 21 de xunu de 2024.
L'ésitu d'estos títulos contribuyó a popularizar el términu Soulslike pa describir videoxuegos inspiraos nes mecániques y principios de diseñu de les obres de FromSoftware. Miyazaki dirixó posteriormente Bloodborne, Sekiro: Shadows Die Twice y Elden Ring, esti últimu desarrolláu con una mitoloxía de base creada en collaboración col escritor George R. R. Martin.
En 2014 Miyazaki convirtióse en presidente de FromSoftware y sigue siendo'l direutor representante de la compañía.About, FromSoftware. La so influencia convirtiólu nuna de les figures más reconocíes del diseñu de videoxuegos contemporaneu.
Referencies
Enllaces esternos
Categoría:Diseñadores de videoxuegos de Xapón Categoría:Direutores de videoxuegos Categoría:Guionistes de videoxuegos Categoría:Empresarios de Xapón