Wang Haoze , ye una inxeniera aeroespacial y astronauta china. Foi la tercer muyer china en viaxar al espaciu y la primer muyer del país seleccionada y enviada a una misión como inxeniera de vuelu espacial.Profile: Wang Haoze -- female rocket engineer launched into space, Xinhua, 30 d'ochobre de 2024.
Estudió inxeniería enerxética y térmica na Universidá del Sureste de Nankín, onde completó tamién un máster. Antes d'entrar nel cuerpu d'astronautes trabayó na China Aerospace Science and Technology Corporation na investigación y el desenvolvimientu de motores de cohete. Foi seleccionada nel tercer grupu d'astronautes chinos en 2020.
El 29 d'ochobre de 2024 despegó na misión Shenzhou 19 xunto con Cai Xuzhe y Song Lingdong con destín a la Estación espacial Tiangong. La tripulación permaneció unos seis meses nel espaciu y regresó a la Tierra'l 30 d'abril de 2025, tres 182 díes n'órbita.China's Shenzhou-19 spacecraft lands at Dongfeng landing site, Reuters, 30 d'abril de 2025.
Referencies
Enllaces esternos
Categoría:Astronautes de China Categoría:Inxenieros de China Categoría:Programa espacial tripuláu de China Categoría:Astronautes