V ye un personaxe ficticiu y protagonista de la novela gráfica V for Vendetta, escrita por Alan Moore y dibuxada por David Lloyd. Ye un revolucionariu enmascaráu que combate'l réxime totalitariu de Norsefire, que gobierna una versión distópica del Reinu Xuníu.
El personaxe oculta permanentemente la so identidá tres una máscara de Guy Fawkes y utiliza sabotaxes, asesinatos y ataques contra les instituciones del Estáu col oxetivu de provocar una revolución. La historia céntrase tamién na relación de V con Evey Hammond, una moza a la que rescata y que progresivamente se convierte na so collaboradora. La obra utiliza'l personaxe pa tratar cuestiones como'l totalitarismu, la llibertá individual, l'anarquismu y la resistencia política.
Na adaptación cinematográfica V for Vendetta (2006), dirixida por James McTeigue, V foi interpretáu por Hugo Weaving. La película presenta al personaxe como impulsor d'una rebelión contra un Estáu autoritariu y contribuyó a popularizar internacionalmente la máscara de Guy Fawkes asociada a V.
Referencies
Enllaces esternos
Categoría:Personaxes de cómic Categoría:V for Vendetta Categoría:Anarquistes ficticios Categoría:Revolucionarios ficticios