Carrie Bradshaw ye un personaxe ficticiu creáu pola escritora Candace Bushnell y protagonista de Sex and the City, primero como personaxe de los testos publicaos por Bushnell y, posteriormente, de la serie de televisión de HBO. Na adaptación televisiva ye interpretada por Sarah Jessica Parker.
Carrie ye una escritora que vive en Nueva York y publica una columna titulada Sex and the City, na que reflexona sobre les relaciones sentimentales, el sexu y la vida de les persones solteres na ciudá. Les esperiencies de Carrie y de les sos amigues Samantha Jones, Charlotte York y Miranda Hobbes sirven como material habitual pa la columna.
Una parte importante de la historia del personaxe ta marcada poles sos relaciones sentimentales, especialmente la que mantién de manera intermitente con Mr. Big. Tamién se caracteriza pol so interés pola moda, especialmente los zapatos, y por una vida económica frecuentemente incompatible col gastu que realiza en ropa y accesorios.
La serie Sex and the City emitióse ente 1998 y 2004, y Carrie volvió apaecer nes películes Sex and the City (2008) y Sex and the City 2 (2010) y na serie continuación And Just Like That.... HBO presenta a Carrie como una escritora neoyorquina que utiliza les esperiencies emocionales y sentimentales de los sos amigos y amantes como inspiración pa la so columna.
Referencies
Enllaces esternos
Categoría:Personaxes de Sex and the City Categoría:Personaxes de televisión Categoría:Personaxes de lliteratura Categoría:Escritores ficticios