miniatura|Finxu na frontera ente Estaos Xuníos y México miniatura|Finxu xeográficu de partición de términos municipales (Alcalá de Chivert/Cueves de Vinromá) miniaturadeimagen|Finxu xeográficu fronterizu ente la Ciudá y la Provincia de Buenos Aires. República Arxentina miniaturadeimagen|Finxu de desllendación de términos municipales Un finxu (var.: finsu, fiensu, fisu, fixu, del ), fitu (del ), fitola, barbacana (del ) o muñón, ye una seña de caráuter permanente, tradicionalmente de piedra (anque anguaño empléguense otros materiales), que sirve pa desllindar propiedaes o territorios, y delles veces pa marcar altores, distances o direiciones d'una vía o camín, en tal casu xeneralízase'l nome a finxu xeográficu. Cuando s'asitia sobre una llomba o montaña, n'asturianu pue recibir el nome de celembru o tesu (del , d'aú tamién provién tiesu).
Los finxos usábense frecuentemente pa marcar o señalar los puntos mas destacaos de les llendes ente países o alministración llocales, pero tamién usábense pa marcar les llendes de tierres privaes y esplotaciones de recursos naturales, especialmente n'áreas onde les bárganes o les muries nun son prácticos o son innecesarios. Les señes utilizaes llántense normalmente nun puntu notable o visible sobre'l terrén axacente. Munchos tan inscritos con información relevante, como l'abreviatura del titular de la llende, la fecha d'instalación y davezu la localización xeográfica, quier dicise, la llonxitú y llatitú del mesmu.
Toponimia Na toponimia menor asturiana puen atopase munchos exemplos de términos xeográficos derivaos o conteniendo elementos que faen referencia a un finxu, evidenciando l'usu d'éstos na zona.
Finxu Finxu y les sos variantes provienen del axetivu llatín fīxus (d'aú tenemos tamién el axetivu fixu), participiu del verbu fīgere ("afitar"). Na documentación medieval asturlleonesa hai frecuentes referencies a petrefixos (finxos de piedra)Xose Lluis García Arias, Toponimia Asturiana: El porqué del nombre de nuestros pueblos. Topónimos: El Fiensu, (Noreña) El Fiensón (Sariegu) El Fiensín (Sariegu)
Fitu Fitu provién del llatín fictus, del verbu fīgere ("afitar") mesmo que finxu. Atópense varios casos ente la toponimia asturiana:
El Fitu (un monte ente los conceyos de Caravia, Colunga y Parres) Fitoria (Uviéu), col sufixu de llugar -oria. Fitories (Villaviciosa) Piedrafita, nome de varies aldees y llugares n'Asturies, de piedra + fita, en referencia a una piedra que facía les veces de fitu na zona. Ríu Piedraḥita Parafita (Tinéu) Confita (Ibias), d'una formación del llatín cum ("con") + fitu / fita La Conḥita (Llanes) Regueiru Confitas (Cangas del Narcea)
Muñón L'orixe de la palabra muñón ye desconocíu, pero propónse una conexón prerromana pola esistencia d'una palabra hermana nel vascu actual. Atópase en dalgunos topónimos:
Muñón (Bual) Muñones (Villaviciosa) Muñón Cimiru (Ḷḷena) Muñón Fondiru (Ḷḷena) El Picu'l Muñón (Somiedo) El Picu'l Moyón (Cabrales)
Referencies
Categoría:Términos de xeografía