Rust para Linux (nome orixinal: "Rust for Linux") ye un proyeutu que, dende 2020, busca integrar el llinguaxe de programación Rust dientro del kernel de Linux. L'oxetivu d'esti proyeutu ye aprovechar les característiques d'esti llinguaxe (principalmente la seguridá de memoria) nel desendolque de controladores para Linux.
L'adopción de Rust como un segundu llinguaxe para Linux foi más lenta de lo esperao, tantu polos defensores de Rust como por Linus Torvalds. N'avientu de 2023, aceptáronse los primeros controladores escritos en Rust, que foron llanzaos na versión 6.8.
Hestoria El kernel de Linux foi orixinalmente escritu nos llinguaxes C y ensamblador. Alredor de 1997, consideróse la posibilidá d'utilizar C++ pero, n'esperimentando dos selmanes, terminó refugándose la posibilidá . Rust creose en 2006 y combina el rendimientu de los llinguaxes de programación de baxu nivel (como C) con un enfoque na seguridá de la memoria .
Taesoo Kim publicó en 2013 un módulu pal kernel de linux creáu col llinguaxe Rust.
El proyeutu Rust for Linux s'anunció en 2020 na llista de corréu del kernel de Linux coles mires de intregrar Rust como un llinguaxe de programación que pudiera usase dientro del kernel. Na Open Source Summit de 2022, Linus Torvalds afirmó que la incorporación del proyeutu podría empezar asina llanzárase Linux 5.20, darréu denomináu Linux 6.0. La primer versión candidata para Linux 6.0 foi publicada'l 14 d'agostu de 2022, inda ensin soporte para Rust. Nes notes de llanzamientu de Linux 6.0-rc1, Torvalds espresó la so intención d'añader compatibilidá con Rust nel kernel: «Ello ye que esperaba que tuviéramos la primer infraestructura de Rust y la máquina virtual LRU multigeneración, pero esta vegada nun se materializó». El 19 de setiembre de 2022, un artículu de ZDNet reveló un corréu ellectrónicu de Linus Torvalds qu'afirmaba: «Nun siendo que asoceda daqué estrañu, Rust va integrase na versión 6.1».
N'ochobre de 2022, Torvalds aprobó una pull request p'aceptar la implementación de Rust para Linux. A partir de Linux 6.1, el soporte dexóse intencionalmente mínimu para dexar que los desendolcadores probaren la nueva funcionalidá.
Los desendolcadores de Rust para Linux crearon una nueva llibrería, "pinned-init", para inicializar de forma segura y falible oxetos non-reubicables. S'incluyó por primera vegada en Linux 6.4, y ameyoróse en versiones posteriores
En xunetu de 2024 aceptóse un cambéu en Linux para almitir múltiples versiones de Rust per primer vegada, lo que dexó la compilación utilizando tantu la versión 1.78 (llanzada el 2 de mayu de 2024) como la 1.79 (llanzada el 13 de xunu de 2024).
A 2 de julio de 2025, Rust nel kernel de linux depende de características inestables del compilador de Rust.
Usos de Rust nel kernel
rnull, un reemplazu directu pal dispositivu nulu Controladores de rede de capa física ASIX AX88772A y Realtek Generic FE-GUE Controlador de llerza DRM pa códigos QR
Otros proyeutos notables qu'utilicen Rust para Linux inclúin:
tarfs, un sistema d'archivus tar Controlador de dispositivu NVM Express (NVMe) Controlador IPC d'Android Binder Controlador DRM de GPU AGX Apple silicon d'Asahi Linux PuzzleFS, un sistema d'archivus contenedor Sistema d'archivus ext2 de namá llectura Nova, que'l so oxetivu ye crear un nuevu controlador de GPU Nvidia basáu en Rust, ta desendolcándose dientro del proyeutu freedesktop.org
Vease tamién
LynxOS Redox (Sistema Operativu )
Referencies
Categoría:Linux