El Muséu Británicu (British Museum) ye un muséu asitiáu nel distritu de Bloomsbury, na ciudá de Londres. Dedicáu a la historia, l'arte y la cultura, la so colección permanente, d'ocho millones d'oxetos, ye la mayor del munduDiscovery, RSM. (2017, 30 d'ochobre). Ranking The World's Most Admired Art Museums, And What Big Business Can Learn From Them. Forbes.. Al traviés d'ellos documentase la historia de la cultura humana de magar l'entamu de la hominización hasta'l tiempu presenteLos diferentes museos nacionales de Londres repártense les obres artístiques de distintes disciplines y époques. Asina, nel Muséu de Victoria y Alberto alcuéntrense obres escultóriques, y d'artes decoratives y aplicaes. El Muséu Británicu agospia l'arte antiguu européu, l'arte de civilizaciones estremaes de la europea occidental, grabajos y debuxos. Na Galería Nacional alcuéntrase la colección nacional d'arte d'Europa occidental anterior al sieglu XX, y nel Muséu Nacional d'Arte Modernu l'arte européu occidental del sieglu XX. El Muséu Tate Britain recueye l'arte británicu posterior a l'añu 1500, y la Biblioteca Británica llibros, manuscritos y delles obres artístiques en papel. Sicasí, hai solapamientos importantes ente la cobertura de les diverses coleiciones.. Establecíu en 1753, el Muséu Británicu foi el primer muséu nacional de propiedá pública del mundu Muséu Británicu.. En 2023 recibió 5.820.860 visitantes, siendo l'atracción más visitada nel Reinu XuníuBBC News. (2024, 18 de marzu). British Museum is the most-visited UK attraction again. BBC.com.
Nos sos primeros años, el muséu basábase principalmente nes coleiciones personales del médicu y científicu inglés Hans SloaneEncyclopedia Britannica. (2026, 7 de xineru). Sir Hans Sloane, Baronet. Britannica.com.. Abrió al públicu en 1759 na Montagu House, nel mesmu llugar nel que s'alcuentra l'edificiu principal anguaño. La espansión del muséu nos siguientes 250 años foi, principalmente, el resultáu de la colonización británica, y resultó na creación de delles instituciones dixebraes a partir d'elli: la primera foi el Muséu d'Historia Natural, en 1881. Algunes de les sos adquisiciones más nomaes, como los mármoles d'Elgin o la piedra de Rosetta, son reclamaes de cuantayá polos países de los que foron sacaesCahal, M. [Milmo]. (2009, 9 d'avientu). The Big Question: What is the Rosetta Stone, and should Britain return it to Egypt? The Independent.Tharoor, K. [Kanishk]. (2015, 29 de xunu). Museums and looted art: the ethical dilemma of preserving world cultures. The Guardian..
En 1973, la Llei de la Biblioteca Británica de 1972 dixebró la biblioteca del muséu del propiu muséu, y hasta 1997 la recién creada Biblioteca Británica siguió teniendo la so sede nel mesmu edificiu del muséu. El muséu ye un organismu públicu non-departamental dependiente del Departamentu pa la Cultura, el Deporte y los Medios de Comunicación del gobiernu británicu. Neto que tolos demás museos nacionales británicos, nun cobra entrada, sacante nes esposiciones temporales, al públicuMuséu Británicu. Plan your visit. Consultáu'l 15 de xineru de 2026..
Referencies
Enllaces esternos Páxina web oficial del Museu Británicu (n'inglés) Semeyes del Museu Británicu
Categoría:Museos de Londres Categoría:Museos