El Centru de Terminoloxía Asturiana (TERMAST) ye'l centru encargáu de la coordinación xeneral de les xeres terminolóxiques venceyaes a la llingua asturiana y surde el 15 xineru de 2009 per aciu del pautu robláu ente tres entidaes asturianes: l'asociación Softastur, el Colexu d'Inxenieros n'Informática del Principáu d'Asturies y l'Academia de la Llingua Asturiana.
La idea cimera de TERMAST ye la ellaboración de propuestes terminolóxiques d'aplicación a los nuevos usos de la llingua asturiana y la disponibilidá de consulta al traviés d'una estaya concreta dientro de la páxina web de l'Academia de la Llingua Asturiana.
A la escontra d'otros principios y propuestes normatives de l'Academia, TERMAST quier que seyan iniciatives individuales o grupales concretes les que dean a la conocencia pública la so particular propuesta de solución a los problemes terminolóxicos del asturianu nos estremaos contestos comunicativos: ámbitu científicu, de les nueves teunoloxíes, económicu, sociolóxicu, humanísticu...
Estes propuestes tarán al algame de los usuarios de la llingua asturiana, de mou que sedrán éstos —col so usu o refugu— los que dirán dándo-yos calter de normalidá, de mou que llueu d'ello l'Academia pueda dir inxiriéndolos dientro de los sos calces normativos.
El primer trabayu del TERMAST ye “Términos básicos d'Economía y Empresa” de Guillermo Ovidio Villa Balbona y Fernanda Valdés Rodríguez, que s'espublizó en papel, anque non tolos trabayos del Centru van espublicen impresos. El segundu trabayu, de momentu tovía non imprentáu, trata sobre terminoloxía xurídica, y cuerre al cargu de Nicolás Bartolomé Pérez.
Rellación de trabayos asoleyaos Títulu Autor Espublización Enllaz Términos básicos d'economía y empresa Guillermo Ovidio Villa Balbona y Fernanda Valdés Rodríguez Abrir Terminoloxía xurídica y alministrativa Nicolás Bartolomé Pérez Abrir Terminoloxía matemática Rubén Fernández Martínez Abrir Terminoloxía médica Xesús González Rato Abrir Terminoloxía postal Xandru Martino Ruz Abrir Terminoloxía física Rubén Fernández Martínez Abrir Terminoloxía educativa Rodrigo Fernández Joglar Abrir Terminoloxía de teoría de la lliteratura Ricardo Saavedra Abrir Terminoloxía de turismu Inaciu Galán y González Abrir Terminoloxía de meteoroloxía Ruben Fernández Martínez Abrir Terminoloxía de teatru y artes escéniques Belarmino Daniel Álvarez Álvarez y Antón Caamaño Vega Abrir Terminoloxía de fútbol David Fernández Fernández Abrir Términos de bioloxía Xosé B. Álvarez Álvarez Abrir Términos de sociollingüística Héctor García Gil Abrir Terminoloxía musicolóxica: xéneros musicales tradicionales asturianos Rodrigo Fernández Joglar Abrir Terminoloxía eleutoral básica Héctor García Gil Abrir Terminoloxía de bioquímica y bioloxía molecular Xurde Menéndez Caravia Abrir Terminoloxía de botánica Bertu Ordiales García Abrir Terminoloxía de xuegos de rol Nicolás Bardio Abrir Terminoloxía de deportes y pruebes olímpiques David Fernández Fernández Abrir Terminoloxía de cine Pablo A. Quiroga Prendes Abrir Términos de bioteunoloxía ya inxenería biomédica Xurde Menéndez Caravia Abrir
Ver tamién TERMCAT
Referencies
Enllaces esternos
* Categoría:2009