El ríu Piloña, ye un ríu asturianu que remanez pela zona centro-oriental. Ye l'afluente principal del Sella.
Naz na parroquia naveta de Cecea, de la xuntanza de los ríos Pra y Viáu a 201 msnm y traviesa los conceyos de Nava, Piloña y Parres, au al fin desagua nel ríu Sella en Les Arriondes.
Afluentes del Piloña son: el Punegru, el Mon, el de la Cueva, el Espinaréu, el Valle, el Boriñes, el Tendi, el Color, el regatu de Beleño que s'amiesta na llocalidá d'Arobes, el Mampodre que desagua na llocalidá d'Ozanes, y el Sardea, orixináu na Sierra'l Sueve, que s'amiesta ente Sorribes y Sotu.
Tolos años n'abril celébrase nes sos agües la Baxada en Piragües del Ríu Piloña, saliendo la baxada dende L'Infiestu.
Referencies
Enllaces esternos
Piloña Categoría:Bimenes Categoría:Nava Categoría:Parres Categoría:Piloña