thumb|right|Jean-Paul Belmondo. Jean-Paul Belmondo foi un actor francés de cine y teatru. Tamién foi productor de cine y direutor de teatru. Alternando'l xéneru popular y les películes d'autores, convirtióse en dellos años nuna de les más grandes estrelles del cine francés, campeón indiscutible de la taquilla lo mesmo que Louis de Funès y Alain Delon na mesma dómina.
Trabayó baxo la direición de grandes realizadores franceses, como Alain Resnais, Henri Verneuil, Jean-Luc Godard, Claude Chabrol, François Truffaut, Claude Sautet, Jean-Pierre Melville, Claude Lelouch, Georges Lautner o Gérard Oury asina como con dellos direutores estranxeros como Vittorio De Sica. Un gran númberu de los sos filmes convirtiéronse en clásicos del cine francés, como Le Professionnel, Borsalino, À bout de souffle, Le Magnifique, Un singe en hiver, Pierrot le fou, Le Cerveau o L'as des as.
Retiróse del cine por problemes de salú, pero volvió nel añu 2009 con Un homme et son chien. Morrió'l 6 de setiembre de 2021 por mor d'una llarga enfermedá.
Biografía Jean-Paul Belmondo nació en Neuilly-sur-Seine, el 9 d'abril de 1933. So Padre, Paul Belmondo, d'orixe piamontés y sicialianu foi un escultor de sonadía. Na so infancia conoció delles privaciones, ya que so padre malvivía del so arte nel contestu de la Segunda Guerra Mundial y de la ocupación alemana.Gilles Durieux, Belmondo, Le Cherche-midi, 2009, páxines 10-14
Indisciplináu y con poco interés polos estudios, Jean-Paul Belmondo avezóse de bien mozu pol boxéu, el fútbol, los coches y el ciclismu, dedicándose al boxéu como amateur, teniendo un curtia carrera con cuatro victories y una pelea nula en nueve combates.Gilles Durieux, Belmondo, Le Cherche-midi, 2009, páxina 22
Referencies
Enllaces esternos
Categoría:Actores y actrices de Francia