El Muséu de la Escuela Rural d'Asturies ta asitiáu na llocalidá cabraniega de Viñón, nun edificiu de les antigües escueles diseñáu pol arquiteutu provincial Javier Aguirre Iturralde y que fueron inauguraes nel añu 1908. El Muséu inauguróse en 2002.
El Muséu cuenta, na planta baxa, con una sala dedicada a la escuela republicana y otra más a la franquista. Na segunda planta recréase la vivienda del maestru, asina como otra sala con una coleición de llibros de testu y un aula polivalente. Na parte superior del edificiu atópense dos talleres.
Arriendes d'una bona coleición de llibros y otru material escolar (pizarres, pizarrinos, llibretes, moblame, periódicos escolares, ...) y oxetos etnográficos, el Muséu cuenta con una coleición de xuguetes cedida pol maestru y estudiosu del xuegu Adolfo Prado Pérez.
Ver tamién Rede de museos etnográficos d'Asturies
Referencies
Enllaces esternos Web del Muséu de la Escuela Rural d'Asturies
Escuela Rural Categoría:Cabranes