right|300px|thumb|Uranu y les sos llunes mayores. De izquierda a derecha: Uranu, Puck, Miranda, Ariel, Umbriel, Titania y Oberón. Los diámetros son a escala, pero les distancies non.

Uranu, el séptimu planeta del sistema solar, tien 27 satélites conocidos y con nomes definitivos. Mentantu que la mayoría de los cuerpos celestes del nuesu sistema solar reciben nomes de la mitoloxía grecorromana, les llunes uranianes reciben los de so de diversos personaxes de les obres lliteraries de William Shakespeare y Alexander Pope. William Herschel descubrió les dos primeres, Titania y Oberón, en 1787; lleven el nome de la reina y el rei de les fades de la obra shakesperiana A midsummer's night dream (El sueñu d'una nueche braniega). Otres dos llunes de forma esférica foron descubiertas en 1851 por William Lassell. Los sos nomes, como los dos anteriores, foron decidíos por Herschel, a pitición de Lassell, en 1852. Esti decidió nomalas Ariel, como la sílfide del poema The rape of the lock (El rizu robáu), d'Alexander Pope, y un personaxe de The tempest (La tempestá) de William Shakespeare; y Umbriel, como otru personaxe d'El rizu robáu. La cabera de les llunes clásiques (les que foron descubiertes primero de la era espacial) foi descubierta en 1948 por Gerard Kuiper, y recibió'l so nome, Miranda, d'otru personaxe de La tempestá. El viaxe de la sonda espacial Voyager 2 y l'ayuda de modernos telescopios permitieron atopar los otros ventidós satélites uranianos.

thumb|200px|Porcia, Cresida y Ofelia.

En 1986 la sonda Voyager 2 descubrió otros diez satélites, con un diámetro que varia (menos el de Puck, que tien 160 km) ente los 40 y 80 km de diámetru. Son, n'orde alfabéticu, Belinda, Bianca, Cordelia, Creseida, Desdémona, Julieta, Ofelia, Porcia, Puck y Rosalina. Cordelia y Ofelia son satélites pastor de los bordes interior y esterior del anillu épsilon, el más esternu d'Uranu. Los otros ocho tienen órbites circulares ente los anillos y Miranda, que ye la más interior de les llunes clásiques; Puck ye'l más cercanu a ella. Los satélites restantes foron descubiertos na década de 1990 gracies al telescopiu espacial Hubble.

thumb|200px|Porcia, Julieta y Mab.

Les llunes d'Uranu divídense en trés grupos: cinco llunes grandes, yá nomaes; trece llunes interiores; y nueve llunes de forma irregular. Les llunes interiores son pequeños cuerpos oscuros que comparten colos anillos del planeta les sos propiedaes y el so orixe. Les llunes grandes son lo bastante grandes pa tener algamao el so equilibriu hidrostáticu, y en cuatro d'elles hai nicios d'actividá interna, col desendolcu de procesos volcánicos y de formación d'escobios na so superficie. La mayor de toes, Titania, tien 1.578 km de diámetru, lo que la convierte, con una masa venti veces menor que la de la Lluna, na octava lluna más grande de tou el sistema solar. Toles anteriores orbiten ente Uranu y Oberón. Per fuera d'elles orbiten, n'orbites mui elíptiques y perinclinaes y mui alloñaes del planeta, les llunes irregulares.

Tabla de datos

Nome Diámetru(km) Masa(kg) Radiu orbital mediu (km) Periodu orbital (días) Imaxe Cordelia 40,2 4,5×1016 49.752 0,3350 130px Ofelia 42,8 5,4×1016 53.764 0,3764 Bianca 51,4 9,3×1016 59.165 0,4346 130px Crésida 79,6 3,43×1017 61.767 0,4636 Desdémona 64 1,78×1017 62.659 0,4737 130px Julieta 93,6 5,57×1017 64.358 0,4931 130px Porcia 136 1,68×1018 66.097 0,5132 Rosalinda 72 2,54×1017 69.927 0,5585 130px Cupido 12 1,2×1015 74.800 0,618 Belinda 80,6 3,57×1017 75.255 0,6235 130px Perdita 80 4×1017 76.400 0,6380 Puck 162 2,89×1018 86.004 0,7618 130px Mab 16 4×1015 97.730 0,923 Miranda 472 6,59×1019 129.872 1,4135 130px Ariel 1158 1,35×1021 191.020 2,5203 130px Umbriel 1169,4 1,17×1021 266.300 4,1442 130px Titania 1577,8 3,52×1021 463.300 8,7059 130px Oberón 1522,8 3,01×1021 583.519 13,4632 130px Francisco 12 1,3×1015 4.276.000 266,56 Calibán 98 7,3×1017 7.231.000 -579,73* Stefano 20 6×1015 8.002.000 -676,5* Trínculo 10 7,5×1014 8.571.000 -758,1* Sicorax 190 5,4×1018 12.179.000 -1.288,28* Margarita 11 1015 14.345.000 1687,01 Próspero 30 2,1×1016 16.243.000 -1.977,29* Setebos 30 2,1×1016 17.501.000 -2.234,77* Ferdinando 11 1,3×1015 20.901.000 2887,21*

* Los periodos orbitales negativos indiquen que'l satélite tien una órbita retrógrada (esto ye, opuesta a la rotación del planeta).

Referencies

Enllaces esternos

Categoría:Sistema solar