Terranova y Labrador (n'inglés Newfoundland and Labrador, en francés Terre-Neuve-et-Labrador, en gaélicu escocés Talamh an Éisc agus Labradóir) ye una provincia de Canadá.
Xeograficamente la provincia inclúi la Islla de Terranova y parte de la Península del Labrador, península asitiada nel continente. Nun entamu la provincia entró la confederación canadiana col nome de Terranova nel 1949 y asina yera concida tola provincia. Por embargu, dende 1964 el gobiernu provincial autonómase Gobiernu de Terranova y Labrador, siendo el 6 d'Avientu del 2001 cuando s'introduz un cambéu na constitución canadiana pa que'l nome oficial de la provincia seya Terranova y Labrador. Na fala coloquial la xente inda aveza dicir Terranova cuando fala tola provincia.
La capital ye St. John's n'inglés y Saint-Jean en francés. La fastera continental llenda al sur cola provincia francófona del Québec. Esta frontera, definida pol Conseyu de Londres en 1927, nun ta reconocida pol Québec. Tamién tien una frontera terrestre pequeñina con Nunavut na Islla Killiniq nel estremu nortizu de Labrador. El territoriu francés de Saint Pierre y Miquelon allúgase a lo llargo de la costa sureña de la provincia. La provincia tien una población de 508.270 persones. La superficie total ye de 405.212 km².
Llingües Terranova fala una variedá dialeutal de l'inglés canadianu, l'inglés de Terranova; por embargu, el francés y el gaélicu escocés tán esaniciaos cuasi dafechu.
Historia Los primeros pobladores europeos foron los viquingos. Nel añu 1000 funden una colonia estable no qu'anguañu ye L'Anse aux Meadows na islla de Terranova. Los aperios y artefautos alcontraos en L'Anse aux Meadows, tan clasificaos como patrimoniu de la Humanidá pola UNESCO. Darréu l'esaniciu la colonia la islla foi habitada polos Inuits y los Beothuks.
Magar delles teoríes falen del conocimientu y visita davezu de distintos pueblos europeos a los grandes bancos pesqueros de la fastera será l'esplorador xenovés Giovanni Caboto (John Cabot n'inglés) del que quedara constancia histórica documenada de la so toma de posesión de la islla pa la corona d'Inglaterra en 1497. Humphrey Gilbert funda la primer colonia de la islla en 1583 en St. John's. En 1610 John Guy establez una colonia en Cuper's Cove, anguaño conocida col nome Cupids, faciendo de Terranova la segunda colonia permanente inglesa n'América depués de Jamestown en Virxinia. El fíu de Nicholas Guy, ñacíu el 27 marzu 1613, ye primer neñu inglés en ñacer no que llueu sería Canadá.
Los vascos, veceros habituales de los bancos de bacaláu dende principios del sieglu XVI, fundaren Placentia, puertu frecuentáu tamién por pescadores bretones y normandos.
La colonia nun se fai provincia canadiana dafechu hasta'l 1949. Hasta esi momentu yera un dominiu de l'Imperiu británicu con unes condiciones xurídiques separtaes de Canadá.
thumb|right|250px| Paisax natural de Terranova.
Ver tamién Terranova
Referencies
Enllaces esternos Páxina de les cultures de Canadá. Semeyes de Terranova 2008 Páxina oficial del Gobiernu de Terranova y Labrador Páxina de Turismu de Terranova y Labrador Visitar y trabayar en Terranova y Labrador Heritage TN
Categoría:Provincies de Canadá Categoría:Islles Categoría:Penínsules