José García González foi un siquiatra y neurólogu español, que tamién ostentó diverses responsabilidaes polítiques nel Gobierno del Principáu d'Asturies, de la mano del PSOE.
Biografía
Se doctoró en medicina pola Universidá de Granada, cola tesis Hestoria social de la psiquiatría n'España, y amplió los sos estudios n'Alemaña y Suiza, onde tamién exerció profesionalmente. Ye espertu en psiquiatría social y autor de delles publicaciones.
Participó viviegamente nos movimientos de tresformamientu psiquátrica de los años setenta nel Hospital Psiquiátricu d'Uviéu y nel Sanatoriu Psiquiátricu de Conxo en Santiago de Compostela, desenvolviendo destacaes meyores. Coles mesmes, collaboró na creación del Sistema d'Especialización MIR, establecíu tamién na década de 1970.
Foi miembru de la Comisión d'Espertos qu'ellaboró l'informe de la comisión ministerial pa la reforma psiquiátrica, y presidente de l'Asociación Española de Neuropsiquiatría (1983-1986). Amás, tamién foi responsable del Serviciu Mental del Hospital Xeneral d'Asturies.
Actividá política Cola constitución del gobiernu pre-autonómicu del Principáu d'Asturies en 1982, presidíu por Rafael Fernández Álvarez, foi nomáu Direutor Rexonal de Salú Mental, cargu que revalidó en 1983 siendo Presidente del Principáu d'Asturies Pedro de Silva Cienfuegos-Jovellanos, y que caltuvo hasta 1987. El so llabor nesta responsabilidá sentó les bases y organización de la reforma psiquiátrica del Principáu, que la so relevancia foi reconocida pola Organización Mundial de la Salú, al tomala como centru collaborador pa esa especialidá.
Darréu, ente 1991 y 1995, foi Conseyeru de Sanidá y Servicios Sociales nos gobiernos presidíos por Juan Luis Rodríguez-Vigil (1991-1993) y Antonio Trevín (1993-1995). Más tarde, en 1999, en siendo investido Presidente del Principáu d'Asturies Vicente Álvarez Areces, entró a formar parte del so gobiernu como Conseyeru d'Asuntos Sociales, cargu que caltuvo hasta 2003. "Conseyos de Gobiernu del Principáu d'Asturies, dende 1982". Xunta Xeneral del Principáu d'Asturies.
Ver tamién Conseyos de Gobiernu del Principáu d'Asturies dende 1982.
Referencies
Enllaces esternos
Categoría:Conseyeros y conseyeres del Principáu d'Asturies Categoría:Neurólogos d'España Categoría:Siquiatres d'España Categoría:Socialistes d'Asturies Categoría:Persones de Ḷḷena Categoría:Políticos y polítiques del Partíu Socialista Obreru Español