Esti artículu ye pal añu 9. Pal númberu 9, ver Nueve.
L'añu 9 (IX) foi un añu común entamáu en martes del calendariu xulianu.
Fechos
Actual Asturies 9-10: álzase na Campa Torres (Xixón) un monumentu dedicáu a Augustu, conocíu pola inscripción conservada tradicionalmente como «Ara Sestiana». La inscripción fai referencia a Gnaeus Calpurnius Piso, legáu imperial de la Hispania Citerior.Francisco Diego Santos, Epigrafía romana de Asturias, Instituto de Estudios Asturianos, Uviéu, 1959.
Imperiu romanu Acaba la Gran Revuelta Iliria (6-9), tres la rendición de los últimos grupos rebeldes en Dalmacia. Tiberiu completa asina la pacificación de los territorios ilirios tres trés años de guerra.Jason R. Abdale, The Great Illyrian Revolt: Rome's Forgotten War in the Balkans, AD 6–9, Pen & Sword Military, 2019, ISBN 978-1-5267-1817-4. Setiembre: tien llugar la batalla de la viesca de Teutoburgu. Una coalición de pueblos xermánicos encabezada por Arminiu, príncipe de los queruscos, embosca y destrúi l'exércitu romanu comandáu por Varu. Pierden les lexones XVII, XVIII y XIX, amás de delles unidaes auxiliares.Peter S. Wells, The Battle That Stopped Rome: Emperor Augustus, Arminius, and the Slaughter of the Legions in the Teutoburg Forest, W. W. Norton, 2003, ISBN 978-0-393-32643-7. Tres la derrota de Teutoburgu, los romanos abandonen les posiciones militares al este del Rin y retiren les sos fuerces principales escontra la frontera renana. Augustu, al recibir la noticia del desastre, toma midíes d'emerxencia pa reforzar les defenses romanes y encarga a Tiberiu la reorganización de les fuerces militares na frontera del Rin.Suetoniu, Vida d'Augustu, 23-25; Dión Casio, Historia romana, LVI, 23-25.
China 10 de xineru: Wang Mang proclámase emperador y funda la dinastía Xin, poniendo fin al gobiernu de la dinastía Han Occidental.Michael Loewe, A Biographical Dictionary of the Qin, Former Han and Xin Periods, 221 BC–AD 24, Brill, 2000, páxs. 536-545, ISBN 978-90-04-10364-1. Wang Mang entama un programa de reformes polítiques, económiques y sociales que pretende recuperar instituciones atribuyíes a l'Antigüedá idealizada de la dinastía Zhou.Hans Bielenstein, «Wang Mang, the Restoration of the Han Dynasty, and Later Han», en Denis Twitchett y Michael Loewe (eds.), The Cambridge History of China, vol. 1, Cambridge University Press, 1986, páxs. 223-290.
Nacencies
17 de payares: Vespasianu, emperador romanu ente'l 69 y el 79 y fundador de la dinastía Flavia (m. 79).Suetoniu, Vida de Vespasianu, 2.
Muertes
Setiembre: Publius Quinctilius Varus, políticu y xeneral romanu (n. c. 46 e.C.), suicídase tres la derrota romana na batalla de la viesca de Teutoburgu.Dión Casio, Historia romana, LVI, 21. Marcus Caelius, centurión romanu de la Legio XVIII, muertu na batalla de la viesca de Teutoburgu; el so cenotafiu ye una de les principales evidencies epigráfiques de la batalla.Corpus Inscriptionum Latinarum, XIII, 8648.
Referencies
Enllaces esternos
Categoría:9 Categoría:Sieglu I