Kaunas ye la segunda ciudá más grande de Lituania. Con 400.000 habitantes, Kaunas ye famosa pol so cascu históricu. Asítiase na confluencia de los ríos Neman y Neris, nel centru'l país. Con un 93% de lituanos, ye la ciudá con mayor porcentaxe de persones de nacionalidá llocal de toles repúbliques báltiques. Anguaño, Kaunas tien más lituanos que Vilnius y más lituanos que letones y estonios hai en Riga y Tallinn respeutivamente.
Población Añu Númberu d'habitantes 1723 28.000 1796 8.500 1813 3.000 1825 5.000 1840 8.500 1860 23.300 1897 71.000 1923 92.000 1940 154.000 1959 214.000 1966 275.000 1989 418.087 2001 378.943 2004 366.666
Estadístiques
Área total de la ciudá: 157 km² Habitantes: 368.917 Grupos étnicos: Lituanos 92,9% Rusos 4,4% Ucraínos 0,5% Polacos 0,4% Otros 1,8%
Tresportes
La ciudá de Kaunas cuenta con una importante rede d'autobuses y trolebuses que conecten tolos puntos de la ciudá y l'aeropuertu. Anguaño cuenta con 16 llinies de trolebús y 34 d'autobús, amás de con una rede importante de minibuses. Kaunas cuenta con ún de los mayores puertos fluviales de los estaos bálticos. La ciudad ta situada nel centru de Lituania, lo que ye mui significativu en materia de trsporte. L'aeropuertu internacional de Kaunas soporta un tráficu de 300.000 viaxeros, asina como 100.000 tonelaes de mercancía al añu.
Deportes
Kaunas ye'l hogar del club de baloncestu Žalgiris, ún de los más fuertes d'Europa. La ciudá ye tabién llugar d'orixe de munches estrelles internacionales del mundiu del baloncestu, ente elles Arvydas Sabonis,Valdemaras Chomicius, Šarūnas Marčiulionis, Žydrūnas Ilgauskas y Šarūnas Jasikevičius. L'estadiu principal de la ciudá ye'l "S.Dariaus ir S.Gireno Sporto Centras", que tien capacidá pa unes 9.000 persones), y que ye amás l'estadiu onde xuega l'equipu lituanu de fútbol FBK Kaunas.
Educación
Kaunas ye conocida como una "ciudá de estudiantes", con más de 25.000 mozos estudiando nes munches universidaes de la ciudá.
Universidá de Medicina de Kaunas Universidá de Teunoloxía de Kaunas Universidá de Vytautas El Grande Universidá lituana d'Agricultura Academia Lituana d'Educación Física Academia de Veterinaria de Kaunas Universidá de Vilnius - Facultá d'Humanidaes de Kaunas Facultá de Negocios de Kaunas Facultá de Kaunas
Referencies
Enllaces esternos Sitiu oficial de Kaunas (n'inglés) Museos en Kaunas Aeropuertu Internacional de Kaunas Centru d'Información Turística na Rexón de Kaunas
Categoría:Llocalidaes de Lituania