El Muséu de Belles Artes d'Asturies ta asitiáu nel Palaciu de Velarde, la Casa de Oviedo-Portal y la Casa de Solís-Carbajal nes calles de la Rúa y Santa Ana d'Uviéu.
Foi inauguráu'l 19 de mayu de 1980 a partir de la coleición d'arte propiedá de l'antigua Diputación Provincial d'Uviéu, anguaño depende de la Conseyería de Cultura del Principáu d'Asturies y ye sufragáu con fondos del Principáu y del Conceyu d'Uviéu.
El Muséu anguaño cuenta con un fondu d'ente 8 y 10.000 pieces inventariaes, aunque realmente sólo s'espongan ente 350-400 al públicu. Contién pintures d'artistes españoles -destacando los asturianos- y extranxeros (destacando la pintura italiana y flamenca), arriendes d'ello tien escultures, fotografías y oxetos de vidrio y loza.
El proyeutu d'ampliación del Muséu corrió a cargu del Arquiteutu Francisco Beloqui Mangado.
Obres espuestes (antes de l'ampliación de 2015)
Palaciu de Velarde Sala d'esposiciones temporales. 18 tables del retablu de Santa María, realizáu pol Maestru de Palanquinos, y procedente de Valladolid. Retablos medievales procedentes de Cataluña y Mallorca. Pintures flamenques del sieglu XVI. Apostoláu completo *d'El *Greco, conocíu como Apostoláu de San Feliz, pol marqués a quien perteneció ; unu de los trés esistentes nel mundu (los otros dos tán en Toledo).El Apostolado, sin prueba de paternidad, La Nueva España (15 de xineru de 2013). Pintures renacentistes: Berruguete (La Coronación de la Virxe), Fernando Yáñez de la Almedina, Luis de Morales y Tiziano (Santa Catalina; depósitu del Muséu del Prado). Barrocu Español ya italianu: José de Ribera, Guido Reni, Zurbarán (Cristu na cruz), Murillo (San Pedro). Pintures mitolóxiques de Rubens y obra relixosa de Juan Andrés Ricci. Pintures del uvieín Miguel Jacinto Meléndez, pintor del rei Felipe V, y del bodegonista Luis Meléndez. Obres de Francisco de Goya (semeyes de Xovellanos y Carlos IV), Angelica Kauffmann, Bartolomé Montalvo, Agustín Esteve. Pintores asturianos: Juan Carreño de Miranda (Carlos II a los diez años), Evaristo Valle, Nicanor Piñole, Luis Fernández y Aurelio Suárez. Pintores románticos, realistes y modernistes, tantu asturianos como del restu d'España. Reló de Javier Méndez, reloxeru gallegu, fecháu en 1800. Par de pistoles de 1795, fabricaes por dos armeros vascos na primera Fábrica d'Armes d'Asturies. Obres del italianu Umberto Pettinicchio.
Referencies
Enllaces esternos
Páxina web oficial
Belles Artes d'Asturies, Muséu Categoría:Bienes d'interés cultural d'Asturies