Svante August Arrhenius foi un científicu (orixinalmente físicu y más sero químicu) y profesor suecu qu'algamó'l Premiu Nobel de Química de 1903 pola so contribución al desarrollu de la química colos sos experimentos nel campu de la disociación electrolítica.
Biografía Svante August Arrhenius nació'l 19 de febreru de 1859 na ciudá de Vik, asitiada nel condáu de Sogn og Fjordane. So padre y so madre fueron Svante Gustav y Carlonia Thunberg Arrhenius. Los sos allegaos llamábenlu "el curciu" na so mocedá, yá que debío a un accidente a temprana edá tuvo problemes pa caminar hasta los 20 años. Usaba zapatos con plataforma que disimulaben esa condición.
Investigaciones científiques En 1884 Arrhenius desarrolló la teoría de la esistencia del ión, ya predichu por Michael Faraday en 1830, a través de la electrólisis.
Siendo estudiante, cuando preparaba'l doctoráu na universidá d'Uppsala, investigó les propiedaes conductores de les disoluciones electrolítiques, que formuló na so tesis doctoral. La so teoría afirma que nes disoluciones electrolítiques, los compuestos químicos disueltos disóciense n'iones, manteniendo la hipótesis de que'l grau de disociación aumenta col grau de dilución de la disolución, que resultó ser cierta sólo pa los electrolitos débiles. Creyendo qu'esta teoría yera errónea, aprobaron-y la tesis cola mínima calificación posible. Esta teoría foi oxetu de munchos ataques, especialmente por lord Kelvin, viéndose sofitada por Jacobus Van't Hoff, en cuyu llaboratoriu trabayara como becariu estranxeru (1886-1890), y por Wilhelm Ostwald.
Referencies
Enllaces esternos
Categoría:Químicos y químiques de Suecia Categoría:Premiu Nobel de Química Categoría:Miembros de la Royal Society