La Cohors I Asturum et Gallacorum foi una unidá auxiliar del exércitu imperial romanu del tipu cohors quinquagenaria peditata.
Foi reclutada nel mandatu d'Augustu ente'l pueblu recién conquistáu de los ástures y ente los galaicos. Recibió instrucción nel campamentu de la llexón VI Victrix, o quiciás cola X Gemina, siendo con posteroridá destinada a Xermania.
Con anterioridá al añu 57 sábese que pasa a Mauritania y forma parte del exércitu d'ocupación. Posteriormente nel añu 60 pasa a Illiria onde permanez hasta l'añu 90 en que torna a Mauritania Tinxitana. Acantonada n'Aïn Schokur, al norte de Volubilis, piérdese cualquier niciu d'ella a finales del sieglu III.
D'esta unidá alcontróse la tumba d'un soldáu procedente de Flaventia.
Comandantes
Por estremaes inscripciones conócense los nomes de 6 de los sos comandantes, que cronolóxicamente son:
Flaviu Neónn na segunda metá del sieglu I. Gayu Vibiu Salutaris posiblemente en tornu al añu 90. Luciu Domiciu Dentonianu nel reináu de Traianus. Nammiu Maternu nel reináu d'Adrianu. Gayu Xuliu Longinu haza'l sieglu II. Publiu Valeriu Priscu en dalgún momentu del reináu d'Adrianu o del d'Antoninus Pius.
Referencies
Enllaces esternos
Artículu sobro les tropes ástures nel Imperiu Romanu [http://www.ucm.es/BUCM/revistas/ghi/02130181/articulos/GERI0404120245A.PDF La Cohorte I d'ástures y galaicos en territoriu norteafricanu]
Asturum et Gallaecorum Categoría:Astures Categoría:Galaicos