Veneranda Manzano Blanco , más conocida como Veneranda Manzano, foi una maestra asturiana, diputada y una de les principales dirixentes socialistes nel tiempu de la Segunda República.
Biografía Maestra dende 1915 trabaya en Bueres, Casu. Depués de casase en 1918 treslládase a Cuba onde reside a lo llargo de casi diez años. En 1928 intégrase nel sindicatu de la enseñanza de la UXT. En 1930 participa na creación del Círculu Republicanu de Llanes. En 1931, enantes de la proclamación de la República, ingresa nel PSOE, pasando a presidir l'Agrupación Socialista de Llanes.García Manzano, Veneranda, «Veneranda Manzano» Asturias
Nes eleiciones xenerales de 1933 foi una de les cinco diputades elixíes xunto a les tamién socialistes María Lejárraga, Margarita Nelken y Matilde de la Torre, y Francisca Bohigas, de la CEDA.Índice histórico, Congreso de los Diputados.
Detenida el 13 de payares depués de la revolución d'ochobre de 1934, foi puesta en llibertá a los pocos díes.
Demientres la Guerra Civil foi direutora de Colonies Infantiles del Ministeriu d'Instrucción Pública. Tres la caída del Norte, yá en Cataluña, afíliase, n'abril de 1938, a l'Agrupación de Socialistes Asturianos, en Barcelona. Nesta dómina ocupa'l cargu de vocal del Tribunal d'Espionaxe en Castellón.
Exiliada y ciega establecióse en Méxicu.José María Laso Prieto, Un homenaje en Oviedo a Veneranda Manzano, El Catoblepas 53:6, 2006 En 1946 a Juan Negrín y a otros 35 correlixonarios, ente los que s'atopaba Veneranda, retiráron-yos el carné. Nel 37 Congresu Federal del PSOE, entamáu en Madrid en xunetu de 2008, aprobóse una Resolución que los reintegraba a la disciplina del Partíu, a títulu postumu y a tolos efeutos. Un añu depués, el 24 d'ochobre de 2009, fízose entrega de los carnés nun actu entamáu na sede del PSOE, recoyendo'l suyu'l so fíu Ramón García Manzano, muertu apocayá en Burdeos el 7 d'ochobre de 2010 cuando visitaba a la so fía (el residia en Méxicu dende 1939 como so madre). En 1947 ingresó nel Partíu Comunista d'España. Regresó a España en 1977.
Escritos Por qué soy republicana, El Pueblo, Llanes, 25 d'abril de 1931.
Distinciones El 6 de xunu de 1989 foi nomada Fía Adoptiva de la Ciudá d'Uviéu pol entós alcalde Antonio Masip Hidalgo.Conceyu d'Uviéu: Rellación de Distinguidos
Referencies
Enllaces esternos
Categoría:Políticos y polítiques d'Asturies Categoría:Persones de Piloña Categoría:Políticos y polítiques del Partíu Socialista Obreru Español