El quesu de Xinestosu o Queisu-i Xinistosu ye unu de los quesos tradicionales ellaboraos n'Asturies.
Ellaboración Esti quesu antiguamente de cabra y oveya fabrícase anguaño con lleche de vaca. La lleche acabante de catar sálase y améstase-y el cuayu. Depués de cuayar córtase y métese nos moldes. Pasados tres díes rectifícase de sal y amásase la pasta resultante. Una vez amasao prénsase llateralmente a lo llargo d'otros trés díes. Una vez acabáu'l prensáu ponse a curar nun ambiente secu de tres a cuatro selmanes.
Carauterístiques La producción d'esti quesu anguaño ta casi desaparecida si bien dende instancies oficiales ta tratanse de da-y un nuevu puxu. La so producción remóntase a la treshumancia que se facía na zona hacia Castiella y Extremadura que traíen los moldes d'espartu colos que se prensaba'l quesu web del Conceyu de Cangas, consultada'l 11 d'abril de 2012. Taba ellaboráu polos pastores cola lleche de les sos oveyes y cabres.
Ye un quesu grasu y semiblandu de forma tronconiforme colos llaterales cóncavos de tamañu inferior al kilo. L'interior ye blanco amarillento y la corteza ye amarillo claro.
Zona d'ellaboración La zona d'ellaboración d'esti quesu reduzse cuasi esclusivamente al pueblu de Xinestosu nel conceyu de Cangas del Narcea.
Ver tamién Quesos d'Asturies
Referencies
Xinestosu, Quesu de Xinestosu, Quesu de