L'Alto la Ilesia ye una entidá de población de la parroquia d'El Pieloro, nel conceyu asturianu de Carreño.
L'INE establez que L'Alto la Ilesia ye una aldega de Nomenclátor del INE: Población del padrón continuo por unidad poblacional. (Institutu Nacional d'Estadística).. El so códigu de referencia ye 33 014 090100 . Nomenclátor del INE, 2011
Alcuéntrase a una distancia de Candás, capital del conceyu, de 4 km. Tien una altitú máxima de 120 m sobre'l nivel del mar. Pal añu 2001 contaba con 16 viviendes principales. Nomenclator de la SADEI
Topónimu Xosé Lluis García Ariasfala de delles fórmules relatives al cultu cristianu que s'apliquen a la toponimia asturiana, ente elles, les que falen del términu "Ilesia"Xose Lluis García Arias, "Toponimia Asturiana" y tamién, na estaya "Altu, Oteru" refiérse direutamente a esti topónimuXose Lluis García Arias, "Toponimia Asturiana": "pue apaecer como primer elementu nominal d'un compuestu, L’Alto la Ilesia (Cñ);"
Sitios d'interés
Ilesia de Santa María d'El PieloroPáxina del ayuntamientu de Carreño Santa María d'El Pieloro ye'l templu románicu más importante del conceyu, declaráu Bien d'Interés Cultural.
La nave del cuerpu principal ta fechada nel sieglu XIII y, ente los sieglos XIII y XIV, construyóse la Capiella Mayor protogótica, que sustituyera l'ábside románicu. Nel sieglu XVI, llevantóse la capiella la Nuestra Señora de les Nieves, adosada al llau Sur de la Capiella Mayor. De dómina barroca son la construcción del campanariu y el pórticu, amás de la sacristía, onde taba la capiella de la Nuestra Señora de les Nieves.
La ilesia amburó cuando la Guerra Civil Española, perdiéndose la coleición de retablos barrocos qu'abellugaba: El Retablu de la Capiella Mayor (1716), el Retablu del Santísimu Cristu (1709), el Retablu de San Blas (1726) y el Retablu de la Nuestra Señora de les Nieves. En 1939, Luis Menéndez Pidal redautó el proyeutu de reconstrucción de la ilesia, que se fizo durante la década de 1940. Nueves restauraciones, mientres los años 80 y 90, dexaron la ilesia col aspeutu actual.
Referencies
Enllaces esternos
Categoría:Llocalidaes de Carreño