Niccolò di Bernardo dei Machiavelli o Maquiavelo foi un diplomáticu, funcionariu públicu, filósofu políticu y escritor italianu. Asinamesmo, foi una figura relevante del Renacimientu italianu. En 1513 espublizó'l so tratáu de doctrina política tituláu «El Príncipe».
Biografía
Maquiavelo nació nel pequeñu pueblu de San Casciano in Val di Pesa, a unos quince quilómetros de Florencia el 3 de mayu de 1469, fíu de Bernardo Machiavelli (abogáu perteneciente a una aprobetada rama d'una antigua familia influyente de Florencia) y de Bartolomea di Stéfano Nelli, dambos de families cultes y d'oríxenes nobiliarios pero con pocos recursos por causa de les deldes del padre.
Ente 1494 y 1512 Maquiavelo tuvo al cargu d'una oficina pública. Viaxó a delles cortes en Francia, Alemaña y otres ciudaes-estáu italianes en misiones diplomátiques. En 1512 foi encarceláu por un curtiu periodu en Florencia, y dempués exiliáu y despacháu a San Casciano. Morrió en Florencia en 1527, au lu enterraron na Basílica de Santa Cruz.
Referencies
Maquiavelo, Nicolás Maquiavelo, Nicolás Maquiavelo, Nicolás Maquiavelo, Nicolás Maquiavelo, Nicolás Categoría:Persones de Florencia