El Campu de Les Milles (en francés Camp des Milles) foi un campu de concentración asitiáu nel departamentu de Bouches-du-Rhône, abiertu en setiembre de 1939 nel edificiu d'una vieya fábrica de teyes.
En principiu, sirvió como campu d'internamientu pa los residentes alemanes en Francia, colo cual compartieron encierre auténticos nazis y exiliaos alemanes, munchos d'ellos xudíos. Ente los internos, hasta 1940 atopábense conocíos artistes, como Max Ernst, Lion Feuchtwanger, Hans Bellmer, Robert Liebknecht, Ferdinand Springer y Wolls.
Después, el gobiernu de Vichy utilizó'l campu pa internar a los xudíos enantes d'apurrilos a les autoridaes nazis. N'agostu de 1942 produciéronse deportaciones de neños dende esti campu.
Referencies
Enllaces esternos Información (en francés) sobre'l Campu de Les Milles
Categoría:Campos de concentración Categoría:Historia de Francia