Saint Pierre y Miquelon (en francés, Saint-Pierre-et-Miquelon), o Coleutividá de Saint Pierre y Miquelon, ye un archipiélagu allugáu n'América del Norte, frente a les costes de Terranova. Dende 1985 ye una colleutividá territorial con un estatutu particular, dientru Francia y de la Xunión Europea. Al ser un de los territorios d'ultramar de la Xunión Europea, ta suxetu a dellos privilexos d'esta, pero sólo los franceses tienen llibertá de movimientos o pa asitiar un negociu nel archipiélagu.«Frequently Asked Questions» , www.st-pierre-et-miquelon.com Tien el númberu 975 na numberación de los departamentos de Francia y el so códigu postal ye'l 97500 pa tou l'archipiélagu.
La coleutividá d'ultramar de Saint Pierre y Miquelon ye un archipiélagu formáu por dos islles principales, la islla de Saint Pierre y la islla de Miquelon, que ta xunida per un ismu de sable a la islla de Langlade, y más de una decena de pequeñes isllines, al este de la costa canadiana, nel Atlánticu Norte, y a 25 km al sur de la islla de Terranova.
Xunto con Saint-Barthélemy, Saint-Martin, Guadalupe, la Guyana Francesa y Martinica, ye un de los seis territorios franceses n'América y l'únicu n'América del Norte, una fastera de l'antigua Nueva Francia. Tamién ye'l territoriu llatinoamericanu más septentrional.
Referencies
Enllaces esternos
St-Pierre-et-Miquelon.com (turismu; en francés y n'inglés) LePhareSPM.com (Asociación del Turismu). Mairie-STPierre.fr (Gobiernu municipal). Clmarciniak.free.fr (galeríes de semeyes de Saint Pierre y Miquelon).
Categoría:Islles de Francia Categoría:Departamentos de Francia Categoría:Francia d'Ultramar