thumb|Martha Nussbaum. Martha Craven Nussbaum ye una filósofa d'Estaos Xuníos. Los sos intereses céntrense sobre manera na filosofía antigua, la filosofía política, la filosofía del derechu y la ética.
Biografía Nació en Nueva York dientro d'una familia acomodada, fía de George Craven, abogáu de Filadelfia, y Betty Warren, ama de casa. Estudió teatru y llíngües clásiques na Universidá de Nueva York (NYU) (BA 1969), y gradualmente foi averándose a la filosofía, pa finalmente graduase en Harvard en 1972. Nesa dómina casóse con Alan Nussbaum (del que se divorció en 1987), convirtióse al xudaísmu, y nació la so fía Rachel.
Enseñó filosofía y lletres clásiques en Harvard nos años setenta y nos principios de los ochenta, anantes de treslladarse a la Universidá de Brown. Unu de los sos llibros más notables, The Fragility of Goodness, que tien como tema la ética antigua, foi particularmente influyente y convirtióla nuna figura reconocida nel ámbitu de les ciencies sociales. Posteriormente, la valía del so trabayu fízola merecedora de títulos honoríficos en más de 25 instituciones.
Demientres la década de los ochenta, Nussbaum entamó un trabayu en collaboración col economista Amartya Sen (Premiu Nobel d'Economía) en temas relacionaos col desarrollu y la ética. En compañía de Sen, promovió'l conceptu de "capacidaes" ("llibertaes sustanciales" como la posibilidá de vivir una llarga vida, de llevar a cabu transaiciones económiques, o la participación n'actividaes polítiques) como les partes constitutives del desarrollu, y de la probitú como una privación de les citaes "capacidaes". Esto contrasta sobre manera colos acercamientos teóricos que se ficierensobre'l desarrollu hasta esi momentu. Cabe resaltar que muncho de lo que Nussbaum diz nel so trabayu sofítase nuna perspeutiva aristotélica.
En 2012 algamó'l Premiu Príncipe d'Asturies de Ciencies Sociales."La filósofa Martha Nussbaum, Príncipe de Asturias de Ciencias Sociales". El País, 16.06.2012
Obres
En xeneral Aristotle's De Motu Animalium (1978) The Fragility of Goodness: Luck and Ethics in Greek Tragedy and Philosophy (1986) Love's Knowledge (1990) Nussbaum, Martha, y Amartya Sen. The Quality o Life. (Oxford: Clarendon Press 1993) The Therapy of Desire (1994) Poetic Justice (1996) For Love of Country (1996) Cultivating Humanity: A Classical Defense of Reform in Liberal Education (1997) Sex and Social Justice (1998) Women and Human Development (2000) Upheavals of Thought: The Intelligence of Emotions (2001) Hiding From Humanity: Disgust, Shame, and the Law (2004) Animal Rights: Current Debates and New Directions (editado con Cass Sunstein) (2004) Frontiers of Justice: Disability, Nationality, Species Membership (2005)
Nussbaum, Martha Nussbaum, Martha Nussbaum, Martha Categoría:Wikipedia:Mantenimientu:Persones ensin plantía NF
Referencies