Polandball (Polonia-bola), tamién conocíu como countryball (país-bola), ye un meme d'Internet orixináu nel foru alemán Krautchan.net na segunda metá de 2009. El meme manifestase nun amplio númberu de cómics na rede, u los países son representaos como personaxes esfériques qu'interactuen, xeneralmente n'inglés mal escritu, burllandose de los estereotipos nacionales y les rellaciones internacionales. A esti tipu de cómic llámase Polandball (magar que non siempre Polonia esta nel cómic) y país-bola (o, en grupu, países-bola).

Fonderada Polandball tien les sos raíces na cyberguerra ente usuarios polacos y el restu'l mundiu en drawball.com d'agostu de 2009. Nel sitiu web, qu'ufierta un llenzu virtual, permite al usuariu dibuxar lo que quier y dibuxar sobre diseños d'otros. Ente los usuarios polacos ñaz la idea dibuxar la bandera de Polonia na bola, milles d'usuarios tomáronse drawball y pintaronlu de blancu con roxu enriba, cola pallabra "POLSKA" escrita na metá. Dempués d'una coordinación con 4chan, foi cubierta con nuna xigantesca esvástica .

Krautchan.net ye un foru n'alemán que'l so tablón /INT/ ye frecuentáu por falantes d'inglés. L'orixe del meme ye atribuíu al usuariu Falco, un británicu quien en setiembre de 2009 fixu'l meme usando MS Paint como una manera política de trollear a Wojak, un polacu nel mesmu foru que contribuía nun inglés mal escritu, Dempués d'eso los cómics de Polandball foron usaos por rusos con entusiasmu.

Temes

La premisa de Polonia-bola, qu'aumentó la so popularidá tres l'accidente aereu en Smolensk nel que morrió'l Presidente Polacu Lech Kaczynski, ye que representa Polonia y la so hestoria, la so rellación con otros países y estereotipos, enfocandose na megalomanía Polaca y complexos nacionales. Les interacciones ente les países-boles tienden ser fechas n'inglés mal emplegao y con xerga d'internet, asemeyáu al meme Lolcat, y al final, la caricatura de Polonia, que ye representada adrede con roxu enriba de blancu (a la escontra de la bandera Polaca), ye vista llorando en xeneral.

Algunos comics de Polonia-bola ñacen de la premisa que Rusia pue dir al espaciu, mientres que Polonia non. Una de les caricatures más populares comienza cola premisa que'l planeta Tierra será golpiáu por un meteoritu xigante, faciendo que toles países con teunoloxía espacial abandonen la Tierra y vayan a una órbita alredor el planeta. Al final de la caricatura, Polonia, tovía nel planeta Tierra, ta llorando, y n'inglés mal emplegao pronuncia'l latiguillo canónico "Poland cannot into space" (sic). D'esta forma humorística, los Rusos paran cualesquier discusión colos Polacos respeuto de cuál país ye superior.<ref name="hiro" /> N'otru cómic de Polonia-bola que profundiza na sátira histórica-política, Polonia ye vista aburriendo otros países-boles, cola so proclamación de "Cuando destruimos Rusia y los turcos (sic) nos yéramos el país más grande del mundiu...y..." faciendo qu'otros países-boles burllense. Polonia, nesi momentu irritada, diz kurwa (llit. puta), y amosa un cartelu que diz "Internet serious business" ("Internet ye negociu seriu"), cartelu que ye un eslogan d'internet usáu pa ridiculizar a otros que traten temes con desdeñu, y en típica convención de Polonia-bola, termina llorando.

Boles d'otros países

Polonia-bola pue tamién incluir comics d'otros países, pero por convención a esos comics tamién llamase Polonia-bola, anque tamién puese llamar países-boles. Según Lurkmore.to, Baviera tien la so propia bola, y otres boles foron fechas para Estaos d'E.U, Cataluña y Siberia, entre otres. Singapur toma la forma d'un triángulu y ye llamáu Triangapur; Israel toma la forma d'un hipercubu (en referencia a los físicos d'ascendencia xudía); Kazakstán toma la forma d'un lladriyu y Gran Bretaña sale usando un sombreru y monóculu.

Tamién Estaos Xuníos lleva gafas de sol, Eslovenia y Serbia tien un parche nel güeyu (que ye'l escudu) y Nepal tien boca y unos dientes que muestran tar nun ataque de cólera. Otros países-boles peculiares son Dinamarca, Islla Christmas ya Islles Cocos.

Referencies

Categoría:Fenómenos d'Internet

Enllaces esternos

Polandball at Knowyourmeme.com Polandball at militaryphotos.net