Elmo Lincoln foi un actor d'Estaos Xuníos.
El so nome de nacimientu foi Otto Elmo Linkenhelt, l'actor ye especialmente conocíu nel so papel del primer Tarzán del cine mudu en 1918, Tarzan of the Apes, como personaxe adultu (Gordon Griffith interpretólu como mozu na mesma película). Fizo esi mesmu personaxe dos veces más, en The Romance of Tarzan (tamién en 1918) y en 1921 na serie The Adventures of Tarzan.
Al finalizar el tiempu del cine mudu, Elmo dexó Hollywood y probó suerte na minería. A finales de los años 30, tornó a la industria cinematográfica, aunque consiguiendo trabayos como extra. Apaeció, ensin acreitar, en dos películes de Tarzán nos años 40 -como mozu de circu en Tarzan's New York Adventure (1942), y como pescador reparando les sos redes en Tarzan's Magic Fountain (1949).
El so trabayu final tamién consistió nun papel curtiu, ensin acreitar en Carrie (1952), protagonizada por Laurence Olivier. Según Tarzan of the Movies, de Gabe Essoe, Lincoln taba especialmente arguyosu d'esta películu, porque yera un gran admirador de Laurence.
Lincoln morrió d'un ataque al corazón el 27 de xunu de 1962 a la edá de 63 años. Ta enterráu nun ninchu del Hollywood Forever Cemetery.
Pola so contribución a la industria cinematográfica, tien una estrella nel Paséu de la Fama nel 7042 del Hollywood Boulevard.
En 2001, la so fía Marci'a Lincoln Rudolph contó la so historia nun llibru My Father, Elmo Lincoln: The Original Tarzan (ISBN 1-58690-000-5).
Filmografía 1913: The Battle at Elderbush Gulch 1913: Judith of Bethulia 1914: Brute Force 1915: Buckshot John 1915: Birth of a Nation 1915: The Slave Girl 1916: The Fatal Glass of Beer 1916: Intolerance 1916: Hoodoo Ann 1917: Aladdin and the Wonderful Lamp 1917: The Bad Boy 1918: Tarzan of the Apes 1918: The Kaiser, the Beast of Berlin 1918: The Romance of Tarzan 1918: Treasure Island 1918: The Greatest Thing in Life 1919: The Fall of Babylon 1919: Elmo the Mighty 1920: The Flaming Disc 1921: Elmo the Fearless 1921: The Adventures of Tarzan 1922: Quincy Adams Sawyer 1927: King of the Jungle 1939: Union Pacific 1939: The Hunchback of Notre Dame 1939: Colorado Sunset 1939: Wyoming Outlaw 1942: Tarzan's New York Adventure 1944: The Story of Dr. Wassell 1944: When the Lights Go on Again 1945: The Man Who Walked Alone 1947: Rolling Home 1947: A Double Life 1948: Tap Roots 1949: Tarzan's Magic Fountain 1951: Hollywood Story 1952: Carrie
Referencies
Enllaces esternos
Categoría:Tarzán Categoría:Actores y actrices d'Estaos Xuníos