Ignacio Tejada Fernández , más conocíu como Iñaki Tejada, ye un ex-futbolista y entrenador de fútbol español.
El Real Sporting de Xixón contratólu nel añu 1996 pa trabayar nel campus de branu de la Escuela de fútbol de Mareo, y quedóse definitivamente. En Mareo entrenó al equipu xuvenil del Sporting, foi coordinador del fútbol base xunto con Emilio de Dios y tamién segundu entrenador del Real Sporting de Xixón "B" que dirixía Marcelino García Toral. Ente la temporada 2003/04 y mediaos de la 2011/12 realizó la mesma función nel primer equipu del Sporting col propiu Marcelino, en la campaña 2005/06 con Ciriaco Cano y, finalmente, con Manolo Preciado.
El día 31 de xineru de 2012, tres la destitución de Preciado, toma'l relevu como téunicu del Sporting. Dirixó al equipu dos partíos nos que consiguió un empate, ente'l C. A. Osasuna, y una derrota, ente'l Valencia C. F.. Dos selmanes dempués de la so designación, el 13 de febreru, Javier Clemente fizose cargu del banquillu, anque siguió formando parte del cuerpu téunicu del primer equipu. Pa la temporada 2012/13 foi designáu como segundu entrenador del Sporting "B" acompañando a Abelardo Fernández.
Clubes Como xugador
Como entrenador
Referencies
Categoría:Entrenadores del Real Sporting de Xixón Categoría:Entrenadores de fútbol del País Vascu Categoría:Persones de Bilbao