El Muséu d'Esperanto de Subirats conocío enantes como Hispana Esperanto-muzeo (Muséu Español d'Esperanto),:eo:Hispana_Esperanto-muzeo ye una notable coleición d'oxetos rellacionaos col idioma internacional Esperanto, asitiáu na llocalidá catalana de Sant Pau d'Ordal, nel municipiu de Subirats, Alto Penedés, provincia de Barcelona. Trátase del material recoyíu de munchos años por Lluís Hernández Yzal (Barcelona, 1917 - Sant Pau d'Ordal (Subirats), 2002) cola aida de la so muyer, Teresa Massana.
Anicios Inauguróse como muséu nel añu 1968 formando parte de les dependencies de la farmacia del pueblu, rexentada pol mesmu Lluís Hernández. Debío al constante crecimientu del fondu y la insuficiencia d'espaciu, en 1974 mercó un terrenu sobre'l que se construyó l'edificiu qu'acueye'l muséu actualmente. Cola muerte del fundador nel añu 2002, el muséu atravesó un periodu d'inactividá hasta que'l 10 d'abril de 2010 volvióse a abrir oficialmente al públicu, gracies a una iniciativa impulsada por diferentes axentes: la familia propietaria del muséu, el Patronatu de Turismu de Subirats y l'Asociación Catalana d'Esperanto. La reapertura mereció l'atención d'una conexón en direuto del Telenotícies de TV3. Tres meses depués y hasta l'actualidá la iniciativa s'ha vinculáu estrechamente cola promoción que realiza'l Patronatu de Turismu de Subirats.
Fondos
Calculase que'l muséu contie unos 15.000 boletinos y revistes d'esperanto correspondientes a unes 400 cabeceres diferentes. El númberu de llibros acercase a los 8.000, l'apartáu de cartelos y folletos, principalmente rellacionaos con congresos, se calcula nunos 1.500. El conxuntu de postales coleicionaes suman, ente les esperantistes y non esperantistes, 150.000 exemplares.Una lengua artificial en un paraje natural
Ente los oxetos más curiosos puese alcontrar un rollu de película de formatu 9'5 m / m que muestra les imáxenes d'un congresu catalán celebráu en Ripoll en 1935 y unes llibretes manuscrites pol mesmu L. L. Zamenhof que correspuenden a la traducción de Los bandíos, de Friedrich von Schiller.
Tamién son interesantes un conxuntu de botelles de cava etiquetaes n'esperanto, los populares "ŝlosiloj" pequeños manuales de bolsu pa deprender l'esperanto y que editáronse en multitú de llingües y dalgunes imáxenes de la estancia de Luis Llázaro Zamenhof en Barcelona en 1909.
Referencies
Enllaces esternos
Categoría:Esperantu Categoría:Museos d'España Categoría:Cataluña Categoría:Wikipedia:Páxines con enllaces interllingüísticos