Charles-Édouard Jeanneret-Gris , más conocíu pol nomatu Le Corbusier, foi un arquiteutu, urbanista, decorador y pintor suizu, nacionalizáu francés.
Ta consideráu como ún de los principales representantes del Movimientu Modernu xunto con Ludwig Mies van der Rohe, Walter Gropius, Alvar Aalto o Theo van Doesburg ente otros.
Tamién trabayó como urbanista y diseñador. Rescamplen los sos estudios y proyeutos teóricos sobre Arquiteutura y foi pioneru nel estudiu del ameyoramientu de les condiciones de vida de los habitantes de les grandes ciudaes. La so carrera profesional va durar cinco décades, con edificios construyíos a lo llargo de toa Europa, India, Rusia y el continente americanu. Asinamesmo va dexar un importante llegáu nel campu de la escultura y la pintura qu'emplegó como campu de pruebes pa delles de les sos obres más importantes.
Referencies
Categoría:Persones del cantón de Neuchâtel Categoría:Arquiteutos y arquiteutes d'Estaos Xuníos Categoría:Pintores d'Estaos Xuníos