Cabral ye una entidá de población de la parroquia de Santa Colomba, nel conceyu asturianu d'Allande.
L'INE establez que Cabral ye una casería de Nomenclátor del INE: Población del padrón continuo por unidad poblacional. (Institutu Nacional d'Estadística).. El so códigu de referencia ye 33 001 110400.Nomenclátor del INE, 2012
Alcuéntrase a una distancia de La Puela, capital del conceyu, de 17 km. Tien una altitú máxima de 600 m sobre'l nivel del mar. Pal añu 2001 contaba con 5 viviendes, 2 principales y 3 non principales.Nomenclator de la SADEI
Valdegallía Valdegallía ye un barriu independiente de Cabral, a unos 500 metros de distancia de la casería y a 640 metros sobre'l nivel del mar. Alcuéntrase despobláu, anguaño.Mª. del Roxo y A. Álvarez, Ayande. Guía completa, 2012, páxs. 58 y 278.
Topónimu Cuenta Xosé Lluis García Arias, al falar de los topónimos "Cabrales y Cabranes":
Del llatín CAPRAM ‘cabra’ (EM) apaecen continuadores na toponimia menor y posiblemente, con incrementación de dalgún sufixu, nos nomes de población como:
CAPRALEM > Cabral (An), Cabrales.Xose Lluis García Arias, "Toponimia Asturiana"
Sitios d'interés La casería de Cabral cuenta con dos puntos d'interés: la braña y el fayéu centenariu, que s'estiende dende los pies de la braña hasta'l calce del arroyu de la Corva, y onde s'amiesten a les fayes, rebollos, carbayos y dellos texos.Mª. del Roxo y A. Álvarez, Ayande. Guía completa, 2012, páx.58
Alrodiu'l pueblu, puen atopase dellos cortinos índa n'usu.Mª. del Roxo y A. Álvarez, Ayande. Guía completa, 2012, páx.59
Por último, atravesando'l fayéu en direición a la braña, puénse atopar los restos arqueolóxicos de la Fana de la Freita, la mina romana a cielu abiertu más grande de tol conceyu.Mª. del Roxo y A. Álvarez, Ayande. Guía completa, 2012, páx.284
Referencies
Categoría:Llocalidaes d'Allande