Megadeth ye una banda d'Estaos Xuníos de Thrash metal, formada en Los Angeles, California. Foi creada en 1983 por Dave Mustaine (vocalista), dempués de que fuera espulsáu de Metallica, onde ocupaba'l puestu de guitarrista principal.
Historia Ye xeneralmente mentada como una de les cuatro grandes bandes del Thrash metal, al pie de Metallica, Slayer y Anthrax. Megadeth ye conocida pol so distintivu estilu nes guitarres, la forma peculiar de cantar de Mustaine, la complexidá musical conformada pola gran téunica que contién la so música, y les temes de les sos lletres, de cutiu apocalíptiques, sobre política, guerra y, en delles ocasiones, rellaciones sentimentales, adicciones ya problemes personales y esistenciales.
Al traviés de les décades d'actividá, Megadeth tuvo más de 20 miembros oficiales, siendo Mustaine l'únicu miembru permanente y el principal compositor; pela so parte, el baxista David Ellefson participó na mayoría de los sos discos y xires, tando ausente namái por 8 años.
En tou esti tiempu, la banda llanzó catorce álbumes d'estudiu, trés EP y dos álbumes en vivu. Megadeth consiguió dellos álbumes de platín y d'oru (6 de siguíu n'Estaos Xuníos), incluyíu l'álbum multi-platín y nomáu al Grammy, Countdown to Extinction, en 1992. Recibió 11 nominaciones al Grammy. Amás, figuró delles vegaes nel top 10 de les llistes del Billboard, vendiendo más de 38 millones de copies en tol mundu.
El grupu dixebróse nel 2002 dempués de que Mustaine sufriera una grave mancadura nerviosa nel so brazu esquierdu, depués de dormise sobre él, pero dempués d'una intensa terapia física, el guitarrista axuntó la banda en 2004 y llanzó l'álbum The System Has Failed, siguíu de United Abominations en 2007, Endgame en 2009, y TH1RT3EN, en 2011.
Megadeth llanzó'l so 14ᵘ álbum d'estudiu llamáu Super Collider oficialmente'l 4 de xunu de 2013. El discu Super Collider foi publicáu so la discográfica Tradecraft, propiedá del guitarrista Dave Mustaine y distribuyida pola Universal, tres la rotura de la banda con Universal Music Group.
Miembros Dave Mustaine – voz, guitarra Dave Ellefson – baxu Shawn Drover – batería Chris Broderick – guitarra
Ex-miembros Gar Samuelson – batería (1984–1987) Chris Poland – guitarra (1984–1987) Chuck Behler – batería (1987–1989) Jeff Young – guitarra (1987–1989) Nick Menza – batería (1989–1998) Marty Friedman – guitarra (1990–1999) Jimmy DeGrasso – batería (1998–2002) Al Pitrelli – guitarra (1999–2002) Glen Drover – guitarra (2004–2008) James LoMenzo – baxu (2006–2010)
Discografía 1985 - Killing Is My Business... and Business Is Good! 1986 - Peace Sells... but Who's Buying? 1988 - So Far, So Good... So What! 1990 - Rust in Peace 1992 - Countdown to Extinction 1994 - Youthanasia 1997 - Cryptic Writings 1999 - Risk 2001 - The World Needs a Hero 2004 - The System Has Failed 2007 - United Abominations 2009 - Endgame 2011 - TH1RT3EN 2013 - Super Collider 2016 - Dystopia 2022 - The Sick, the Dying... and the Dead! 2026 - Megadeth
Referencies
Enllaces esternos
Categoría:Grupos de rock d'Estaos Xuníos