Xugaba de porteru, desendolcando la mayor parte de la so carrera nel FC Barcelona.
Trayeutoria Xugador Nacíu nel barriu de Gracia de Barcelona el 1 de xunetu de 1924La fecha 4 de xunetu emplegada davezu ye un error, como dixo'l mesmu futbolista en La Vanguardia del 13.7.9 Las 85 vidas del 'Gato con Alas' azulgrana , dio los sos primeros pasos en dellos equipos aficionaos llocales, como'l Racing del Guinardó. En 1941 robló'l so primer contratu profesional col históricu CE Europa graciense. Depués, el serviciu militar obligó-y a treslladase a la Base Naval de San Fernando, en Cádiz, xugando nel equipu llocal. Depués foi treslladáu a Palma de Mallorca, xugando nel RCD Mallorca hasta 1946, añu en que fichó pol FC Barcelona. Nel club azulgrana nun-y foi fácil facese con un puestu nel equipu. Na temporada 1946/47 foi cedíu al Real Valladolid, daquella en Tercer división. Foi una pieza clave nel ascensu del club pucelanu a la Segunda división española, polo que'l FC Barcelona repescólu al final de temporada.
Tres dos años de suplencia, ensin malpenes xugar, a metá de la temporada 1949/50 fízose cola titularidá, tres una desafortunada mancadura ocular de Velasco mientres un partíu ente Celta y Barcelona. Les sos bones actuaciones abriéron-y les puertes de la seleición española, que lu convocó pa la Copa Mundial celebrada en Brasil al términu d'esa mesma temporada.
Nel FC Barcelona Ramallets foi'l porteru del llexendariu equipu de "les cinco copes", qu'ente 1951 y 1953 ganó dos lligues y trés copes. Hasta'l so retiru, en 1961, xugó un total de 538 partíos cola camiseta azulgrana y ye, tres Guillermo Amor, el barcelonista más gallardonáu: seis lligues, cinco Copes del Xeneralísimu y dos Copes de Feries, amás d'un socampeonatu de la Copa d'Europa.
A títulu personal, consiguió'l Troféu Zamora nes dos primeres ediciones (1958-59 y 1959-60) con una media de menos d'un gol encaxáu per partíu. Enantes de la institución d'esti troféu, Ramallets yá fuera'l porteru menos batíu de la lliga en trés temporaes: 1951-52, 1955-56 y 1956-57.
El 6 de marzu de 1962 recibió l'homenaxe de los aficionaos barceloniegos, que recordaben el so memorable papel como porteru. Enfrentáronse'l Barça y el Hamburger SV y acabó con un resultáu de 5-1 favorable a los llocales. Ramallets, que tenía 38 años, fixo cimblar el Camp Nou coles sos intervenciones, especialmente una increyíble parada dempués d'un xute del alemán Uwe Seeler.
Recibe un nuevu homenaxe'l 11 de marzu de 2008, cuando-y dieron la llave de Barcelona de manes del ex presidente del FC Barcelona, Joan Gaspart.
Entrenador En 1962 fíxose cargu como entrenador del Real Valladolid, al que llevó a la so meyor clasificación de la historia en primer división, acabando nel cuartu puestu.tribunavalladolid.com Fallece l'ex-xugador y entrenador del Valladolid Antoni Ramallets, consultáu en marzu de 2014 Al otru añu pasó a dirixir al Real Zaragoza coincidiendo cola nacencia de la dómina de Los Magníficos. Foi destituyíu nel mes de mayu, pero'l so socesor, Luis Belló, ganó esi añu la Copa del Xeneralísimu y la Copa de Feries.elperiodicodearagon.com Fallece Ramallets, entrenador del Real Zaragoza en la época de los Magníficos, consultáu en marzu de 2014
Na temporada 64-65 dirixó al Real Murcia, y darréu, yá en Segunda División de nuevu al Valladolid, al Club Deportivo Logroñés, al Hércules y al Ilicitano.bdfutbol.com Ficha de Ramallets como entrenador en bdfutbol.com, consultáu en marzu de 2014
Muerte Ramallets foi ingresáu'l 17 de xunu de 2013 nel hospital de Vilafranca del Penedès, por mor de complicaciones na salú. Recibió l'alta médica'l día 29 y cumplía reposu en casa yá que'l so estáu siguía siendo feble.Ramallets cumple 89 años en casa Finó nesa llocalidá barcelonesa'l 30 de xunetu de 2013, a la edá de 89 años.Fallece a los 89 años Antoni Ramallets, el mítico portero del Barcelona
Clubes ClubEstáuAñuCE EuropaEspaña1941CD San FernandoEspaña1942RCD MallorcaEspaña1944Real ValladolidEspaña1946-1947FC BarcelonaEspaña1947-1962
Palmarés Campeonatos estatales TítuluClubEstáuAñuLligaFC BarcelonaEspaña1948LligaFC BarcelonaEspaña1949CopaFC BarcelonaEspaña1951LligaFC BarcelonaEspaña1952CopaFC BarcelonaEspaña1952LligaFC BarcelonaEspaña1953CopaFC BarcelonaEspaña1953CopaFC BarcelonaEspaña1957LligaFC BarcelonaEspaña1959CopaFC BarcelonaEspaña1959LligaFC BarcelonaEspaña1960
Copes internacionales TítuluClubEstáuAñuCopa de FeriesFC BarcelonaEspaña1958Copa de FeriesFC BarcelonaEspaña1960
Gallardones individuales GallardónAñuTroféu Zamora1952Troféu Zamora1956Troféu Zamora1957Troféu Zamora1959Troféu Zamora1960
Referencies
Enllaces esternos
Categoría:Futbolistes d'España Categoría:Entrenadores de fútbol de Cataluña Categoría:Persones de Barcelona Categoría:Porteros de fútbol