El Valle (oficialmente The Valley) ye una ciudá que s'alcuentra nel centru la fastera oeste de la islla d'Anguila onde ye capital, siendo esta islla un Territoriu Británicu d'Ultramar.
Urbanismu Nuevos comercios tienen abierto'n dellos edificios y cases d'estilu Indiu Occidental. Los comercios vieyos fueren modernizaos asina como los sos productos.
Edificios históricos El Valle tien pocos exemplos d'arquiteuctura colonial debíu al trespasu de l'alministración a St. Kitts y Nevis en 1825.
Na llende occidental de El Valle, en Cross Roads, alcuéntrase Wallblake House. Esti ye un edificiu d'estilu colonial construyíu a mediaos de 1787 como llar d'una plantación. Ye anguaño posesión de la Ilesia Católica de San Xerardu y la Ilesia Católica viviendo'l parrocu d'esta na casa. L'edificiu conserva la so fachada orixinal de piedres, cemendu, madera, azulexos y lláscara.
Les ruines del antiguu edificiu del parllamentu (Old Court House) asitiense al sureste d'El Valle, en Crocus Hill, puntu de mayor altor de la islla. D'esti edificidu namás resten unes muries valtiaes de les celdes soterrañes.
Xeografía Allugamientu El Valle ta allugáu na metada de la islla, cao de Crocus Bay y tamién cao de Crocus Hill, el puntu de mayor altor de la islla. Aldees cercanes son North Side, The Quarter, North Hill y George Hill.
Clima El Valle tien un clima tropical y secu (Aw) baxo la Clasificación climática de Köppen. L'área tien una curtia estación seca que surde ente los meses de febreru y abril, y una estación húmida que s'estrema'l restu l'añu. Magar que la estación húmida, anque llarga, nun tien les precipitaciones que pueden atopase n'otres ciudaes caribeñes como Santu Domingu o San Xuan. Les temperatures más altes en El Valle son relativamente constantes al llargor del añu, tando estes ente los 26 y los 25 graos Celsius.
Demografía Añu Población 1974 1.048 1984 1.709 1994 795 2001 1.169 2011 1.067Anguilla census data at Statoids.com
Tresporte El Valle conéctase con otros territorios a traviés del Aeropuertu Wallblake d'Anguila, tamién nomau Aeropuertu Internacional Clayton J. Lloyd (IATA: AXAhttps://www.flightconnections.com/es/c%C3%B3digos-de-aeropuertos, ICAO: TQPF), que cuenta con dellos vuelos internacionales.
Referencies
Enllaces esternos
Categoría:Anguila Categoría:Capitales d'América Central