Esllabón Lleonesista ye una asociación fundada en 1997 de naturaleza socio-cultural enmarcada dientro del llionesismu políticu.
Anguaño alcuéntrase n'activo y participa na vida social y cultural de la ciudá de Lleón, onde concentra la mayor parte del so llabor, anque tamién participa n'iniciatives fuera de la provincia, como nel casu d'una manifestación llionesista na ciudá de Salamanca nel añu 2013.
Oxetivos L'oxetivu principal de la organización ye'l llogru d'una autonomía pa la Rexón de Lleón, asina como la promoción de la identidá llionesa. Ello ye que vertebra tou tipu d'iniciatives de calter social, cultural, políticu o llingüísticu qu'ayuden a sensibilizar a la sociedá civil nesi sen.http://esllabon.blogspot.com.es/p/quien-somos.html
Actividá Esllabón Lleonesista vien d'entamar distintos actos; destaca pola so mayor trescendencia la llamada Nuechevieya llionesista que l'asociación celebra añalmente. De la mesma manera, nos caberos años l'asociación impulsa Conceyos Abiertos nos que concuayen miembros y simpatizantes d'organizaciones y partíos llionesistes. Nestes xuntes alderícase sobre la situación de Lleón y abórdense iniciatives pa la meyora y solución de los problemes de les sos provincies.http://leonoticias.com/frontend/leonoticias/Esllabon-Impulsar-El-Segundu-Conceyu-Abiertu-Sobro-El-Futur-vn142299-vst216
La organización tamién entama y participa en diferentes manifestaciones nes que poder amosar les sos reivindicaciones, como una facultá de melecina pa la Universidá de Lleónhttp://www.leonoticias.com/frontend/leonoticias/Y-La-Facultá-De-Medicina-vn80788-vst447, la meyora de les infraestructures ferroviarieshttp://leonoticias.com/frontend/leonoticias/Leon-ruxe-En-Una-Protesta-Historica-A-Favor-Del-Ferrocarri-vn141290-vst309, la defensa del GREIM (Grupu Especial de Rescate y Intervención nel Monte de la Guardia Civil) de Sabero o iniciatives contra la corrupción nes instituciones llioneses. L'asociación caltién contactos con UPL.http://www.uniondelpuebloleones.es/?p=20349
Amás, cuenta con una publicación propia (Bolteo), qu'asoleya y distribúi por cuenta propia.http://webs.ono.com/esllabon/#
Referencies
Enllaces esternos Páxina Web de l'asociación
Categoría:Asociaciones d'España Categoría:Provincia de Lleón