McLintock (McLintock!) ye un western cómicu fechu n'Estaos Xuníos d'América en 1963 y dirixíu por Andrew V. McLaglen, con John Wayne y Maureen O'Hara como actores principales.
El guión de la película básase levemente na obra de William Shakespeare The Taming of the Shrew.
Doblaxe n'asturianu
Dobláu al asturianu por Gonzali Producciones en 2011, añu en que la productora fizo la so publicación en DVD. Illán Gonzali produció'l versionáu, siendo ésti tamién el primer western dobláu al asturianu.
El doblaxe McLintock estrenóse'l 23 de setiembre de 2011 nel Centru de Cultura Antiguu Institutu de Xixón. El 25 d'avientu de 2012 emitiólu TeleAsturias.
Argumentu George Washington McLintock (John Wayne), ye un terrateniente machista d'Arizona abandonáu pola so muyer Katherine (Maureen O'Hara) por sospeches d'infidelidá. Vuelve a atopar a lo so ex esposa años depués en casa d'una fía común tres conocer que ta prometida con un mozu. Ello provocará engarradielles ente ellos y una bona riestra de situaciones divertíes.
Rodaxe La película rodóse n'Old Tucson Studios, al oeste de Tucson, y tamién en San Rafael Ranch House, dambos n'Arizona.
Música Compuesta por Frank De Vol. La canción ta interpretada pol grupu folk The Limeliters. thumb|254x254px|Hank Worden y John Wayne
Repartu John Wayne: George Washington McLintock Maureen O'Hara: Katherine Gilhooley McLintock Patrick Wayne: Devlin Warren Stefanie Powers: Becky McLintock Jack Kruschen: Jake Birnbaum Chill Wills: Drago Yvonne De Carlo: señora Louise Warren Jerry Van Dyke: Matt Douglas Jr Edgar Buchanan: Bunny Dull Bruce Cabot: Ben Sage Perry Lopez: Davey Elk Strother Martin: Agard Gordon Jones: Matt Douglas Robert Lowery: Gobernador Cuthbert H. Humphrey Hank Worden: Curly Fletcher
Receición La película foi un éxitu de taquilla. Recaudó 14,5 millones de dólares n'América del Norte, siendo la 11ª más vista de 1963 .
Referencies
Enllaces esternos McLintock fragmentu (9 minutos) del doblaxe McLintock ficha téunica del doblaxe
Categoría:Películes doblaes al asturianu