Ahigal de los Aceiteros ye un conceyu español de la provincia de Salamanca, na comunidá autónoma de Castiella y Lleón. Intégrase na comarca d'El Abadengo. Pertenez al partíu xudicial de Vitigudino.
El so municipiu ta formáu por namás un nucleu de población, cuenta con una superficie total de 27,93 km² y según los datos de población del padrón municipal ellaboráu pol INE nel añu 2014, cuenta con una población de 103 habitantes.
Etimoloxía
El topónimu de la serie de llugares denominaos "Ahigal" tien el so orixe nel asturllionés "la figal". Esta llocalidá queda aludida con probabilidá nuna cita de 1434 nel archivu de Ciudad Rodrigo a un tal Alfonso Ferrandez de La Figal. Tamién na provincia de Salamanca esiste'l casu d'Ahigal de Villarino citáu como Figal en 1265 y La Higal en numberosos documentos a partir del sieglu XVII. Na evolución dende La Figal a [El] Ahigal prodúxose una segmentación errónea del artículu.
Referencies
Categoría:Conceyos de Salamanca Categoría:Wikipedia:Mantenimientu:Llocalidaes d'España ensin partíu xudicial