Koca Mi‘mār Sinān Āġā (en turcu otomanu, قوجو معمار سنان آغا) (Kayseri, 15 d'abril, 1489 - Constantinopla, 17 de xunetu, 1588) foi'l principal arquiteutu ya inxenieru civil otomanu de los sultanes Solimán I, Selim II y Murad III. Foi, nun periodu de cincuenta años, el responsable de la construcción o de la supervisión de les principales construcciones del Imperiu Otomanu d'aquella época. Actualmente, atribúyense-y más de 300 construcciones, a parte d'otros proyeutos más modestos, como les escueles del Corán (sibyan mektebs).
La so obra maestra ye la mezquita Selimiye n'Edirne, anque'l so trabayu más conocíu ye la mezquita de Solimán d'Estambul. Tenía a les sos órdenes un estensu departamentu gubernamental y formó a munchos ayudantes que más llueu rescamplaríen, como l'arquiteutu de la mezquita azul, Sedefhar Mehmet Ağa. Ye consideráu'l meyor arquiteutu del periodu clásicu de l'arquiteutura otomana y, davezu, compárase con Michelangelo, el so contemporaneu n'Occidente.De Osa, Veronica, Sinan, the Turkish Michelangelo. ISBN 0-533-04655-6 / 9780533046553. New York (1982)Sinan: A Great Ottoman Architect and Urban Designer La categoría de Miguel Ánxel y los sos planes pa la Basílica de San Pedro de Roma conócense bien n'Estambul, porque'l sultán Baiazet II encargára-y (xunto a Leonardo da Vinci) una ponte sobro'l Cuernu d'Oru en 1502.Giorgio Vasari, The Lives of Painters, Sculptors and Architects, llibre IV, pàgina 122; ed. Gaunt, London and New York, 1963.
Referencies
Enllaces esternos
Fotos de la ciudá d'Edirne, con munches semeyes de la mezquita Selimiye Mapa y guía curtia de la obra de Sinan n'Estambul (en turcu) Mapa de delles mezquites de Sinan n'Estambul Semeyes de delles mezquites de Sinan n'Estambul Maestru constructor de la mezquita otomana del sieglu XVI Ponte Mimar Sinan Bridge a Büyükçekmece
Categoría:Imperiu Otomanu Categoría:Arquiteutos y arquiteutes Categoría:Persones de Turquía Categoría:Wikipedia:Mantenimientu:Persones ensin plantía nym