James Brendan Bolger , más conocíu como Jim Bolger, foi un políticu neozelandés que foi'l Primer Ministru del so país del 2 de payares de 1990 hasta'l 7 d'avientu de 1997.
Biografía Bolger nació n'Opunake, Taranaki, el 31 de mayu de 1935, fíu de granxeros inmigrantes de Wexford, Irlanda. Abandonó la escuela a los 15 años. Bolger ingresó a la política en 1972 como miembru del Parllamentu pol Partíu Nacional de Nueva Zelanda representando a King Country. Representó esti electoráu, renomáu como Taranaki-King Country en 1996, hasta'l so retiru en 1998. En 1975 foi fechu ministru sol mandatu del Primer Ministru Robert Muldoon, sirviendo primero como Ministru de Pesca y más tarde como Ministru d'Agricultura.
Depués de la derrota del Partíu Nacional nes eleiciones xenerales de 1984, Bolger y el segundu al mandu Jim McLay retaron a Muldoon pol lideralgu del partíu. McLay ganó. En 1986 Bolger fixo un segundu intentu y llogró sustituyir a Jim McLay como líder. Depués del fracasu pal Partíu Nacional nes eleiciones de 1987, el partíu, sol mandu de Bolger, ganó, en 1990, col rangu de votos más grande de la historia de Nueva Zelanda. Como resultáu, Bolger convirtióse en primer ministru.
Referencies
Enllaces esternos
Categoría:Políticos y polítiques de Nueva Zelanda