Tomás González Morago, foi un militante anarquista español de la Primera Internacional.
Trabayó como grabador y yera'l propietariu d'un taller na cai de Gracia de Madrid. En 1868 taba adscritu al republicanismu individualista d'Emilio Castelar, pero cuando contauta cola Primera Internacional va a averase a Anselmo Lorenzo y a otros futuros militantes llibertarios. Tamién va a entamar el primer aconceyamientu con Giuseppe Fanelli el 24 de xineru de 1869 que va ser l'aniciu de la Federación Rexonal Española de l'AIT o Primera Internacional. González Morago va reclutar a los primeros internacionalistes españoles.
Tomás González Morago foi, xunto con Francesc Tomàs i Oliver, el verdaderu artífice del trunfu de les idees de Bakunin na Península Ibérica y de la derrota del marxismu nos primeros años de la organización Obrera n'España, más aun que figures muncho más conocíes como Anselmo Lorenzo; esto probablemente se deba al so baxu perfil, yá que siempre intentó pasar desapercibíu. Ye unu de los fundadores del movimientu obreru español.
Referencies
Enllaces esternos
Categoría:Anarquistes d'España Categoría:Sindicalistes d'España